ای سی بی نے کوکابورا گیند کے استعمال کو ختم کیا، 2026 سے کاونٹی چیمپئن شپ میں دوبارہ ڈیوک بال استعمال کی جائے گی

لنڈن، 8 نومبر (ہ س)۔ انگلینڈ اینڈ ویلز کرکٹ بورڈ (ای سی بی) نے کاونٹی چیمپئن شپ میں کوکابورا گیند کے استعمال کو 2026 کے سیزن سے ختم کرنے کا فیصلہ کیا ہے۔ یہ فیصلہ کاونٹی کرکٹ ڈائریکٹروں اور پروفیشنل گیم کمیٹی سے موصولہ تجاویز کے بعد کیا گیا ہے۔

کوکابورا گیند کا استعمال تین سال قبل اس مقصد سے شروع کیا گیا تھا کہ کاونٹی کرکٹرز کو بین الاقوامی حالات کے مطابق اپنی مہارت نکھارنے کا موقع ملے۔ حالانکہ اس تجربے کو ناکام قرار دیا گیا کیونکہ اس سے میچوں میں سنسنی اور توازن کی کمی دیکھی گئی۔ اس سال اوول میں سرے اور ڈرہم کے درمیان ہونے والے میچ میں میزبان ٹیم نے 820 رن بنا کر اننگز ڈکلیئر کی، جسے اس تجربے کی ناکامی کی ایک نمایاں مثال مانا گیا۔

ای سی بی کے مطابق، کوکابورا گیند پہلی بار 2023 کے سیزن میں دو راونڈ کے لیے استعمال کی گئی تھی، جس کے بعد 2024 اور 2025 میں اسے چار- چار راونڈ تک بڑھایا گیا۔ حالانکہ اکتوبر میں ہونے والی میٹنگ میں 18 فرسٹ کلاس کاونٹیوں کے کرکٹ ڈائریکٹروں نے اس تجربے کو ختم کرنے کی سفارش کی۔ اس کے بعد ای سی بی کی پروفیشنل گیم کمیٹی نے اس ہفتے باضابطہ طور پر اس فیصلے کی منظوری دے دی۔

اب 2026 کے سیزن سے کاونٹی چیمپئن شپ کے تمام 14 راونڈ روایتی ہینڈ اسٹچڈ ڈیوک بال کے ساتھ کھیلے جائیں گے، جس سے کوکابورا کی مشین سے بنی گیند کا استعمال ختم ہو جائے گا۔

ہندوستھان سماچار

---------------

ہندوستان سماچار / انظر حسن