گوہاٹی، 8 نومبر (ہ س)۔ مرکزی وزیر خزانہ نرملا سیتا رمن نے ہفتہ کو آسام کی تکنیکی اور پیشہ ورانہ تعلیم پر توجہ مرکوز کرنے والی پہلی یونیورسٹی کا سنگ بنیاد رکھا۔ یونیورسٹی کا نام ’شہید کنکلتا باروا اسٹیٹ یونیورسٹی‘ رکھا گیا ہے۔وزارت خزانہ نے ایک بیان میں کہا کہ وزیر خزانہ نے آسام کے وزیر اعلیٰ ہمانتا بسوا سرما کے ساتھ گوہپور میں شہید کنکلتا باروا اسٹیٹ یونیورسٹی کے سنگ بنیاد رکھنے کی تقریب میں شرکت کی۔ نرملا سیتا رمن نے سنگ بنیاد بھی رکھا۔آسام کے گوہ پور میں شہید کنکلتا باروا اسٹیٹ یونیورسٹی کا سنگ بنیاد رکھنے کی تقریب سے خطاب کرتے ہوئے وزیر خزانہ نے کہا کہ یہ یونیورسٹی آسام کے نوجوانوں کو روزگار پر مبنی تعلیم سے جوڑنے کی سمت میں ایک بڑا قدم ہے۔ سیتا رمن جمعہ سے آسام کے دو روزہ دورے پر ہیں۔ قابل ذکر ہے کہ یہ یونیورسٹی آرٹیفیشل انٹیلی جنس (اے آئی)، مشین لرننگ، سائبر سیکورٹی، بلاک چین، ڈرون اور نیوی گیشن ٹیکنالوجی، کوانٹم کمپیوٹنگ، برین کمپیوٹر انٹرفیس، انٹرنیٹ آف تھنگز، اسمارٹ سٹیز اور اسمارٹ ماحولیات جیسے جدید مضامین پر کورسز پیش کرے گی۔ہندوستھان سماچار

ہندوستان سماچار / Mohammad Khan