پارتھ پوار کے معاملے پر پوار کا شفافیت کا مطالبہ، میں نے کبھی قانون نہیں توڑا : اجیت پوار

پونے

، 8 نومبر(ہ س)۔ نائب وزیراعلیٰ اجیت پوار نے ہفتہ کو کوریگاؤں

پارک زمین تنازعے پر اپنی خاموشی توڑتے ہوئے کہا کہ اُن کی تین دہائیوں سے زیادہ سیاسی

زندگی میں کبھی بھی کوئی غیرقانونی قدم نہیں اٹھایا گیا۔ انہوں نے مطالبہ کیا کہ

اس معاملے کی حقیقت واضح کی جائے تاکہ ’’دودھ کا دودھ اور پانی کا پانی‘‘ ہو سکے۔

پوار نے

اپنے ماضی کے تجربے کا حوالہ دیتے ہوئے کہا کہ 2009 میں بھی اسی طرح کے الزامات

تھے مگر ان میں کوئی قابلِ قبول ثبوت سامنے نہ آئے۔ انہوں نے کہا کہ اگر انہیں کسی

لین دین کی خبر ہوتی تو وہ متعلقہ افسران کو صریح ہدایت دیتے کہ وہ قانونی راستہ

اختیار کریں۔

نائب وزیر

اعلیٰ نے بتایا کہ انہوں نے معاملات پر ایکناتھ شندے سے بات چیت کر کے انتظامیہ کو

کہا ہے کہ جہاں بے ضابطگی نظر آئے، فوری اور شفاف کاروائی کی جائے۔ انہوں نے

مہاراشٹر کے عوام کو یقین دلایا کہ انہیں حق ہے کہ وہ سچ جانیں۔

پوار نے

لین دین میں مالی تبادلوں کے الزامات کو رد کرتے ہوئے کہا کہ جو معاہدے میڈیا میں

پیش کیے گئے وہ منسوخ ہو چکے ہیں۔ انہوں نے آگاہ کیا کہ ریونیو ڈپارٹمنٹ کے ایڈیشنل

چیف سیکرٹری کی زیر قیادت مختلف تحقیقاتی ٹیمیں بنائی گئی ہیں جو ایک ماہ کے اندر

اپنی رپورٹ جمع کرائیں گی۔

آخر میں

پوار نے خبردار کیا کہ اُن کے نام کا غلط استعمال کسی صورت برداشت نہیں کیا جائے

گا اور خلاف ورزی کی صورت میں سخت قانونی قدم اٹھایا جائے گا۔

ہندوستھان

سماچار

--------------------

ہندوستان سماچار / جاوید این اے