ابتدائی کاروبار میں شیئر بازار پر دباو، سینسیکس اور نفٹی میں بڑی گراوٹ

نئی دہلی، 7 نومبر (ہ س)۔ گھریلو شیئر بازار میں آج ابتدائی کاروبار کے دوران دباو نظر آرہا ہے۔ آج کے کاروبار کی شروعات بھی کمزوری کے ساتھ ہوئی تھی۔ بازار کھلنے کے کچھ ہی دیر بعد فروخت کا دباو بن گیا، جس کی وجہ سے سینسیکس اور نفٹی دونوں انڈیکس کی رفتار میں گراوٹ آگئی۔ البتہ خریداروں نے وقفے وقفے سے خریداری کا زور بنانے کی کوشش کی، جس کے باعث دونوں انڈیکس کی حرکت میں اتار چڑھاو ہوتارہا۔ خریداری کی کوششوں کے باوجود شیئر بازار مسلسل سرخ نشان میں ہی کاروبار کرتا رہا۔ صبح 10 بجے تک کے کاروبار کے بعد سینسیکس میں 0.67 فیصد اور نفٹی میں 0.66 فیصد کی کمزوری کے ساتھ کاروبار کر رہے تھے۔

صبح دس بجے تک کا کاروبار ہونے کے بعد شیئر مارکیٹ کے بڑے شیئروں میں سے آئی سی آئی سی آئی بینک، سن فارماسیوٹیکلز، آئی ٹی سی، پاور گرڈ کارپوریشن اور ایس بی آئی لائف انشورنس کے شیئر 0.79 فیصد سے لے کر 0.16 فیصد تک کی مضبوطی کے ساتھ کاروبار کر رہے تھے۔ دوسری جانب ٹی سی ایس، ٹیک مہندرا، جیو فنانشل، این ٹی پی سی اور اسٹیٹ بینک آف انڈیا کے شیئر 1.46 فیصد سے لے کر 1.20 فیصد تک کی گراوٹ کے ساتھ کاروبار کرتے نظر آرہے تھے۔

ابھی تک کے کاروبار میں شیئر بازار میں 2,178 شیئروں میں ایکٹو ٹریڈنگ ہورہی تھی۔ ان میں سے 671 شیئر منافع کما کر سبز نشان میں، جب کہ 1,507 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 5 شیئر خریداری کی حمایت سے سبز نشان میں برقرار تھے، دوسری طرف 25 شیئر فروخت کے دباو میں سرخ نشان میں کاروبار کر رہے تھے۔ ادھر نفٹی میں شامل 50 شیئروں میں سے 7 شیئر سبز نشان میں اور 43 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 160.86 پوائنٹس کی کمزوری کے ساتھ 83,150.15 پوائنٹس کی سطح پر کھلا۔ کاروبار کے آغاز کے ساتھ ہی فروخت کا دباو بن گیا، جس کی وجہ سے کچھ دیر میں ہی سینسیکس 83 ہزار کی سطح کو توڑتے ہوئے 82,670.95 پوائنٹس تک گر گیا۔ حالانکہ ابتدائی 20 منٹ کے کاروبار کے بعد خریداروں نے خریداری کا زور بنانے کی کوشش کی، جس سے اس انڈیکس کی حالت میں معمولی بہتری دیکھنے میں آئی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 559.26 پوائنٹس گر کر 82,751.75 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے بھی 75.90 پوائنٹس گر کر 25,433.80 پوائنٹس کی سطح سے کاروبار کا آغاز کیا۔ بازار کھلنے کے کچھ دیر بعد ہی فروخت کے دباو کے سبب یہ انڈیکس ابتدائی 20 منٹ میں گر کر 25,318.45 پوائنٹس کی سطح تک پہنچ گیا۔ اس کے بعد خریداروں نے خریداری کا زور بنانے کی کوشش کی، جس سے اس انڈیکس کی رفتار میں معمولی بہتری بھی آئی۔بازار میں جاری خرید و فروخت کے درمیان صبح 10 بجے تک کے کاروبار کے بعد نفٹی 167.80 پوائنٹس کی گراوٹ کے ساتھ 25,341.90 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن