ڈھاکہ، 7 نومبر (ہ س)۔ بنگلہ دیش کرکٹ بورڈ (بی سی بی) نے خواتین ٹیم کی سابق کپتان جہاں آرا عالم کی جانب سے بی سی بی کے موجودہ اور سابق عہدیداروں کے خلاف جنسی طور پر ہراساں کیے جانے کے الزامات کی تحقیقات کا آغاز کر دیا ہے۔بنگلہ دیش کی 32 سالہ فاسٹ باولر جہاںآرا نے حال ہی میں یوٹیوب انٹرویو میں الزام لگایا تھا کہ 2022 میں جنوبی افریقہ میں ہونے والے ویمنز ورلڈ کپ کے دوران بی سی بی کے موجودہ اور سابق عہدیداروں بشمول اس وقت کے سلیکٹر اور منیجر منجور الاسلام نے ان کے ساتھ نامناسب سلوک کیا۔ جہاںآرا نے دعویٰ کیا کہ منظور الاسلام نے ’حوصلہ افزائی کے بہانے خواتین کھلاڑیوں کو اپنے سینے سے گلے لگایا یا دبایا۔ انہوں نے کہا کہ یہ سلوک کئی کھلاڑیوں کے ساتھ ہوا ہے۔منظور الاسلام، جو اس وقت چین میں ہیں، نے ان الزامات کو’بے بنیاد‘ قرار دیتے ہوئے مسترد کر دیا۔ اس نے کہا، ’یہ سب جھوٹ ہے، آپ ٹیم میں موجود دیگر لڑکیوں سے پوچھ سکتے ہیں۔‘46 سالہ منظورل نے 1999 سے 2004 کے درمیان بنگلہ دیش کے لیے 12 ٹیسٹ اور 34 ون ڈے کھیلے اور بعد میں کوچنگ اور انتظامی کردار ادا کیا۔جہاں آرا عالم جنہوں نے اپنے کیرئیر میں 48 ون ڈے اور 60 ٹی 20 وکٹیں حاصل کیں اور ملک کے لیے 135 انٹرنیشنل میچ کھیلے، انہوں نے یہ بھی کہا کہ انہوں نے پہلے بھی بورڈ کو تحریری شکایت جمع کرائی تھی، لیکن کوئی کارروائی نہیں کی گئی۔بی سی بی نے کہا ہے کہ معاملے کی تحقیقات کے لیے ایک کمیٹی تشکیل دی گئی ہے جو 15 کام کے دنوں میں اپنی رپورٹ پیش کرے گی۔بورڈ نے ایک بیان جاری کرتے ہوئے کہا، ہم ایک محفوظ، باعزت اور پیشہ ورانہ ماحول کو برقرار رکھنے کے لیے پرعزم ہیں۔بی سی بی کے نائب صدر سخاوت حسین نے کہا کہ ’یہ ایک سنگین معاملہ ہے، اس لیے اس کی مکمل تحقیقات ضروری ہے۔ہندوستھان سماچار

ہندوستان سماچار / Mohammad Khan