نئی دہلی، 6 نومبر (ہ س)۔ گھریلو شیئر بازار میں آج ابتدائی کاروبار کے دوران اتار چڑھاو کے دوران مضبوطی نظر آرہی ہے۔ آج سپاٹ سطح پر ملے جلے کاروبار کی شروعات ہوئی تھی، لیکن بازار کھلتے ہی خریداروں نے خریداری کا زور بنا دیا، جس کے سبب سینسیکس اور نفٹی دونوں انڈیکسوں میں تیزی آ گئی۔ حالانکہ کاروبار کے ابتدائی پانچ منٹ بعد ہی منافع وصولی شروع ہو گئی، جس سے دونوں انڈیکسوں کی رفتار میں ہلکی گراوٹ دیکھی گئی۔ فروخت کے دباو کے باوجود شیئر بازار مسلسل سبز نشان میں بنا ہوا ہے۔ صبح 10 بجے تک سینسیکس 0.30 فیصد اور نفٹی 0.15 فیصد کی مضبوطی کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد میں شیئر مارکیٹ کے بڑے شیئروں میں سے ایشیئن پینٹس، انٹرگلوب ایوی ایشن، ریلائنس انڈسٹریز، مہندرا اینڈ مہندرا اور او این جی سی کے شیئرز 5.58 فیصد سے لیکر 1.11 فیصد کی مضبوطی کے ساتھ کاروبار کر رہے تھے، جب کہ دوسری طرف ہنڈالکو انڈسٹریز، میکس ہیلتھ کیئر، پاور گرڈ کارپوریشن اور ایچ ڈی ایف سی بینک کے شیئر 5.59 فیصد سے لیکر 0.48 فیصد تک کی کمزوری کے ساتھ کاروبار کرتے نظر آرہے تھے۔

ابھی تک کے کاروبار میں شیئر مارکیٹ میں 2,257 شیئروں ایکٹو ٹریڈنگ ہورہی تھی۔ ان میں سے 770 شیئرز منافع کما کر سبز نشان میں، جب کہ 1,487 شیئرز نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 میں سے 17 شیئرز خریداروں کی حمایت سے سبز نشان میں برقرار تھے، جبکہ 13 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 27 شیئر سبز نشان اور 23 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 57.54 پوائنٹس کی معمولی سبقت کے ساتھ 83,516.69 پوائنٹس پر کھلا۔ کاروبار شروع ہوتے ہی خریداری کی حمایت سے پہلے 5 منٹ میں ہی یہ انڈیکس چھلانگ لگا کر 83,846.35 پوائنٹس تک پہنچ گیا۔ حالانکہ اس کے بعد منافع وصولی شروع ہو گئی، جس کے باعث انڈیکس کی رفتار میں گراوٹ آگئی۔ خرید و فروخت کے درمیان صبح 10 بجے تک کاروبار ہونے کے بعد سینسیکس 248.67 پوائنٹس کی مضبوطی کے ساتھ 83,707.82 پوائنٹس پر کاروبار کر رہا تھا۔

سینسیکس کے برعکس، این ایس ای کا نفٹی آج 4.30 پوائنٹس کی معمولی کمزوری کے ساتھ 25,593.35 پوائنٹس پر کھلا۔ بازار کھلتے ہی خریداری کے سبب یہ نڈیکس چند منٹوں میں چھلانگ لگا کر 25,679.15 پوائنٹس تک پہنچ گیا، مگر منافع وصولی شروع ہوتے ہی اس میں گراوٹ آگئی۔ بازار میں مسلسل جاری خرید و فروخت کے درمیان صبح 10 بجے تک کاروبار ہونے کے بعد نفٹی 39.35 پوائنٹس کی مضبوطی کے ساتھ 25,637 پوائنٹس کے سطح پر کاروبار کرتا نظر آرہا تھا۔

ہندوستھان سماچار

---------------

ہندوستان سماچار / انظر حسن