ڈہری آن سون ،6نومبر(ہ س)۔ ضلع کے کارونڈیا تھانہ علاقے کے امرا تالاب رہائشی اور تاجر سورج پرساد کے تاوان کے لئے اغوا میں شامل پچاس ہزار روپے کےانعامی بدنام زمانہ اشوک شاہ عرف اشوک ماسٹر کو روہتاس پولیس نے جھارکھنڈ سے گرفتار کیا ہے۔

سپرنٹنڈنٹ آف پولیس روشن کمار کے مطابق سورج پرساد کو اغوا کاروں نے سفید رنگ کی سوئفٹ ڈیزائر کار میں امرا تالاب میں پرانی جی ٹی روڈ پر ہری اوم میڈیکل کے سامنے سے اغوا کیا تھا۔ پچاس لاکھ روپے تاوان کا مطالبہ کیا گیا۔ انہوں نے بتایا کہ سہسرام کے ایس ڈی پی او 1 کی قیادت میں ایک خصوصی پولیس ٹیم تشکیل دی گئی تھی جس میں کارونڈیا تھانہ انچارج اور ڈسٹرکٹ انٹیلی جنس یونٹ کی ایک ٹیم شامل تھی تاکہ تاجر کی بحفاظت بازیابی اور اس واقعے میں ملوث اغوا کاروں کو گرفتار کرنے کے لیے تکنیکی مدد حاصل کی جاسکے۔

تشکیل شدہ ٹیم نے تحقیقات کا آغاز کرتے ہوئے جائے وقوعہ کے آس پاس لگے سی سی ٹی وی کیمروں کا مشاہدہ کرنے اور واقعہ کے تکنیکی تجزیے کے بعد یہ بات واضح ہوئی کہ یہ واردات اشوک شاہ عرف اشوک ماسٹر کے گینگ نے کی ہے۔ اس کے علاوہ اس کے گینگ کے سات افراد اس واردات میں ملوث پائے گئے۔

انہوں نے بتایا کہ تکنیکی شواہد اور موصول ہونے والی انٹیلی جنس کے تجزیہ کی بنیاد پر مغوی تاجر سورج پرساد کو ناصری گنج تھانہ علاقے میں سون ندی کے کنارے واقع پڈوری گاؤں سے 4 گھنٹے کے اندر بحفاظت برآمد کر لیا گیا۔ اس واقعے میں ملوث اس کے گینگ کے سات جرائم پیشہ کو گرفتار کرکے عدالتی تحویل میں بھیج دیا گیا۔ جبکہ اس گینگ کا سرغنہ اشوک شاہ عرف اشوک ماسٹر واردات کے بعد سے مفرور تھا۔ ایس پی نے بتایا کہ خفیہ اطلاع ملی تھی کہ مفرور گینگ لیڈر اشوک شاہ عرف اشوک ماسٹر جھارکھنڈ کے پلامو ضلع کے حسین آباد تھانہ علاقے کے تحت گامہریا گاؤں آیا ہے۔ اس اطلاع کی بنیاد پر تکنیکی تجزیہ کی بنیاد پر تشکیل دی گئی ٹیم نے گمہریا گاؤں میں چھاپہ ماری کی، جہاں ایک گھر سے بدنام زمانہ مجرم اشوک شاہ عرف اشوک ماسٹر کو گرفتار کیا گیا۔ انہوں نے کہا کہ تشکیل شدہ ٹیم کے سامنے پوچھ گچھ کے دوران گرفتار گینگ کے سرغنہ اشوک شاہ عرف اشوک ماسٹر نے اس واقعہ اور اغوا برائے تاوان کی کئی دیگر وارداتوں میں ملوث ہونے کا اعتراف کیا۔ انہوں نے بتایا کہ گرفتار گینگ کا سرغنہ اشوک شاہ عرف اشوک ماسٹر اس سے قبل قتل، اغوا برائے تاوان اور آرمس ایکٹ کے متعدد مقدمات میں ملزم ہے۔ حکومت کی جانب سے ان کی گرفتاری کے لیے 50 ہزار روپے کا اعلان کیا گیا تھا۔ اس کے گینگ کے دیگر سرگرم ارکان اور ان کے نیٹ ورک کے حوالے سے تفتیش کی جارہی ہے، تحقیقات کے بعد شواہد کے مطابق ان کے خلاف ضروری کارروائی کی جائے گی۔ ان کی دیگر مجرمانہ تاریخ کے حوالے سے تفتیش کی جا رہی ہے۔ ایس پی نے بتایا کہ پولیس ٹیم کے تمام ممبران کو انعام دیا جائے گا۔

ہندوستھان سماچار

ہندوستان سماچار / Mohammad Afzal Hassan