کولکاتہ، 23 نومبر (ہ س)۔

پولیس نے شمالی 24 پرگنہ ضلع کے برہا نگر تھانہ علاقے کے تحت رابندر نگر میں بدھ کی صبح تقریباً 6:30 بجے پیش آنے والے فائرنگ کے واقعے کو صرف 48 گھنٹوں کے اندر کامیابی سے حل کر لیا۔ وکاش مجمدار جو کچرے کو ٹھکانے لگانے کے لیے نکلے تھے، انہیں نامعلوم افراد نے گولی مار دی، جس کے نتیجے میں وہ معمولی زخمی ہوگئے۔

واقعے کے بعد پولیس نے مختلف زاویوں سے تفتیش شروع کردی۔ تکنیکی شواہد اور مقامی پوچھ گچھ کی بنیاد پر، پولیس نے مٹیابروج علاقے سے دو شوٹروں سمیت چار افراد کو گرفتار کیا۔

پولیس کے مطابق ریکھا مجمدار اور پردیپ ڈی کے درمیان ناجائز تعلقات اس واقعہ کی بنیادی وجہ ہے۔تمام ملزمان کو عدالت میں پیش کیا گیا، جہاں پولیس نے اسلحہ اور دیگر شواہد برآمد کرنے کے لیے پولیس ریمانڈ (پی سی) کی استدعا کی۔برہانگر پولس تھانہ اس معاملے میں مزید تفتیش میں مصروف ہے۔

ہندوستھان سماچار

ہندوستان سماچار / عطاءاللہ