بھاگلپور، 22 نومبر (ہ س)۔ بھاگلپور سے جمال پور کے درمیان 53 کلو میٹر طویل لائن پر تیسری لائن بچھانے کی تیاریاں تیز ہو گئی ہیں۔ محکمہ ریل کے ڈپٹی چیف انجینئر ہیمنت مشرا کی نگرانی میں کام شروع ہو گیا ہے۔

آر آئی ڑی ای ایس لمیٹڈ کے انجینئر اکھلیش مینا اور امین شیو شنکر سنگھ عرف وشواجیت سنگھ سمیت تکنیکی ٹیم نے پروجیکٹ کے بارے میں تفصیلی معلومات فراہم کیں۔ معلومات کے مطابق اس پروجیکٹ پر تقریباً 1,155 کروڑ روپے لاگت آئے گی۔ زمین کے حصول کا کام جاری ہے۔ جنوری 2026 میں متاثرہ زمینداروں کو نوٹس بھیجنا شروع ہو جائیں گے۔ زیادہ تر متاثرہ زمینداروں کو مارچ تک معاوضہ منتقل کرنے کا ہدف ہے۔ فنڈ ملنے کے نوے دن بعد تعمیراتی ڈھانچے کو ہٹانے کا عمل شروع ہو جائے گا۔

منصوبے کے لیے جنوبی ٹریک کے درمیان سے 83 فٹ زمین حاصل کی جائے گی۔ زمین کے مالکان کو ضروری دستاویزات جیسے کھٹیان ، ایل پی سی، لینڈ ریونیو رسید، بانڈ، حلف نامہ اور آدھار کارڈ تیار رکھنے ہوں گے۔

ریلوے حکام نے کہا کہ تیسری لائن کی تعمیر سے اس روٹ پر ٹرینوں کی آمدورفت میں آسانی ہوگی اور بھاگلپور-جمال پور سیکشن کی آپریشنل صلاحیت میں اضافہ ہوگا۔

ہندوستھان سماچار

ہندوستان سماچار / Mohammad Afzal Hassan