بھوپال، 22 نومبر (ہ س)۔

مدھیہ پردیش میں بھارتیہ جنتا پارٹی (بی جے پی) کے ریاستی صدر نے پارٹی کے تین محکموں میں نئے انچاروں کی تقرری کی ہے۔ ہفتہ کو پارٹی دفتر کی جانب سے اس کی فہرست جاری کی گئی ہے، جس میں ریاستی مورچہ، ریاستی سیل اور دفتری انتظامات کے انچارج کی تقرری کی گئی ہے۔

ریاستی صدر کھنڈیلوال کی جانب سے جاری کردہ تقرری نامے کے مطابق ریاستی مورچہ انچارج کی ذمہ داری منورنجن مشرا کو سونپی گئی ہے۔ مشرا بی جے پی کے تمام الگ الگ مورچوں کے انچارج کے طور پر کام کریں گے۔ اسی طرح ریاستی سیل انچارج کا ذمہ آشوتوش تیواری کو دیا گیا ہے۔ تیواری بھی مشرا کی طرح بی جے پی کے تمام سیل انچارج کے طور پر ذمہ داری نبھائیں گے۔ اس کے علاوہ تنظیم میں جیتندر لٹوریہ کو بھی اہم ذمہ داری دیتے ہوئے انہیں آفس مینجمنٹ کا انچارج بنایا گیا ہے۔ وہ ریاستی دفتر کے ساتھ اضلاع کے دفاتر کی ترتیب و انتظام بھی دیکھیں گے۔

وہیں، ایک دوسرے معاملے میں بی جے پی نے دیواس ضلع کے پارٹی عہدیدار پریتم سنگھ سولنکی کو پارٹی سے برطرف کر دیا ہے۔ اس سلسلے میں دیواس کے بی جے پی صدر رائے سنگھ سیندھوا نے ہفتہ کے روز ایک خط جاری کیا ہے۔ اس برطرفی خط میں کہا گیا ہے کہ سولنکی کے خلاف درج فوجداری مقدمے کو دیکھتے ہوئے یہ فیصلہ لیا گیا ہے، کیونکہ سولنکی پر درج کیس پارٹی کی تنظیمی حدود، ضابطۂ اخلاق اور اخلاقی ذمہ داریوں کے منافی ہے۔

ہندوستھان سماچار

ہندوستان سماچار / انظر حسن