برازیلیا،21نومبر(ہ س)۔برازیل میں اقوامِ متحدہ کے موسمیاتی مذاکرات کے مقام کے اندر جمعرات کو ایک پویلین میں آتشزدگی کے باعث خوفزدہ مندوبین باہر نکلنے کے لیے بھاگے جس کے بعد مجبوراً وہ جگہ خالی کرنا پڑی۔بلیم میں سی او پی 30 کے مقام پر اقوامِ متحدہ اور اس کا سکیورٹی عملہ آگ بجھانے کے لیے پہنچ گیا جہاں دھویں نے راہداری کو اپنی لپیٹ میں لے لیا اور لوگ چیخ رہے تھے۔کانفرنس کی عمارت کے اندر اور باہر دھواں اٹھتے ہی فائر فائٹرز جائے وقوعہ پر پہنچ گئے۔برازیل کے وزیرِ سیاحت نے جائے وقوعہ پر صحافیوں کو بتایا کہ آگ پر قابو پا لیا گیا اور کسی کو نقصان نہیں پہنچا تھا۔آگ ایسے وقت میں لگی ہے جب دنیا کے طول و عرض سے وزراءحیاتیاتی ایندھن، موسمیاتی مالیات اور تجارتی اقدامات پر تعطل ختم کرنے کے لیے گہری گفت و شنید میں مصروف تھے اور دو ہفتوں کی کانفرنس میں ایک ہی دن باقی ہے۔

ہندوستھان سماچار

ہندوستان سماچار / Mohammad Khan