کٹیہار، 21 نومبر (ہ س)۔ ضلع کے آباد پور تھانہ پولیس نے منشیات فروشی کے خلاف بڑے کریک ڈاؤن میں ایک بڑی کارروائی کرتے ہوئے 203.87 گرام اسمیک کے ساتھ ایک اسمگلر کو گرفتار کر لیا۔ گرفتار اسمگلر کی شناخت آباد پور تھانہ علاقہ کے بیلوا نیا ٹولہ رہائشی اختر علی کے طور پر کی گئی ہے۔ آباد پور پولیس نے بتایا کہ خفیہ اطلاع پر کارروائی کرتے ہوئے انہوں نے سنکولاچیک پوسٹ کے قریب اسمگلر کو گرفتار کیا۔ تلاشی کے دوران اس کے پاس سے اسمیک اور ایک موبائل فون برآمد ہوا۔ پولیس نے مقدمہ درج کر کے مزید تفتیش شروع کر دی ہے۔

ہندوستھان سماچار

ہندوستان سماچار / Mohammad Afzal Hassan