22 نومبر کا دن ہندوستان کی تاریخ اور عالمی حالات-دونوں کیلئے نہایت اہمیت رکھتا ہے۔ اسی دن (22 نومبر 1830) جھانسی کی رانی لکشمی بائی کی قریبی ساتھی اور جنگ آزادی کی نامور شیر دل شخصیت جھلکاری بائی کی پیدائش جھانسی کے قریب بھوجلا گاوں میں ہوئی تھی۔ وہ کولی خاندان سے تعلق رکھتی تھیں۔ والد کا نام سدوور سنگھ اور والدہ کا نام جمنا دیوی تھا۔ 19ویں صدی میں ان کے بے مثال حوصلے، جنگی مہارت اور غیر معمولی وطن دوستی نے انگریزوں کے خلاف بغاوت میں نئی جان ڈال دی۔

عالمی تاریخ میں بھی 22 نومبر ایک بڑی سیاسی پیش رفت کے طور پر درج ہے۔ سن 2005 میں اینجلا مرکل جرمنی کی پہلی خاتون چانسلر منتخب ہوئیں، جس نے یورپی سیاست کے ایک نئے دور کا آغاز کیا۔ مرکل جدید یورپی قیادت کی سب سے بااثر شخصیات میں شمار ہوتی ہیں۔ اسی طرح، ہندوستان کی سیاسی اور انتظامی ساخت میں تبدیلیوں کے حوالے سے بھی یہ تاریخ نہایت اہم ہے۔

سن 1968 میں 22 نومبر کے روز مدراس ریاست کا نام بدل کر تمل ناڈو کرنے کی تجویز کو منظوری دی گئی۔ یہ تبدیلی تمل شناخت، زبان اور ثقافتی وقار کو باضابطہ طور پر تسلیم کرنے کا تاریخی قدم تھا۔ اس طرح 22 نومبر کا دن ہندوستان کی آزادی کی تاریخ، عالمی سیاست اور ہندوستانی انتظامی ڈھانچے-تینوں شعبوں میں دیرپا اثر چھوڑنے والے اہم واقعات سے جڑا ہوا ہے۔

دیگر اہم واقعات:

1808 - دنیا کی مشہور ٹریول کمپنی تھامس کک اینڈ سنز کے بانی، تھامس کک پیدا ہوئے۔

1864 - ہندوستان کی پہلی خاتون معالج، رُکمبائی پیدا ہوئیں۔

1881 - ہندوستان کے آزادی کے مجاہدین میں سے ایک، احمداللہ کا انتقال ہوا۔

1882 - ہندوستان کے معروف صنعت کاروں میں سے ایک، والچند ہیرچند پیدا ہوئے۔

1892 - برطانوی فوجی افسر کی بیٹی اور ہندوستانی آزادی کی تحریک میں شامل ہوکر کھادی کے فروغ کی داعی، میرا بین پیدا ہوئیں۔

1899 - سینئر ہندوستانی آزادی کے مجاہد، شہید لکشمن نائک پیدا ہوئے۔

1913 - ریزرو بینک آف انڈیا کے آٹھویں گورنر، ایل کے جھا پیدا ہوئے۔

1920 - حکیم اجمل خان جامعہ کے پہلے چانسلر بنے۔

1939 - سماج وادی پارٹی کے سربراہ اور اترپردیش کے سابق وزیر اعلیٰ، ملائم سنگھ یادو پیدا ہوئے۔

1948 - مشہور ہندوستانی کوریوگرافر، سروج خان پیدا ہوئیں۔

1963 - ڈلاس (ٹیکساس) میں امریکہ کے صدر جان ایف کینیڈی کا قتل۔

1971 - ہندوستان اور پاکستان نے ایک دوسرے کی فضائی حدود کی خلاف ورزی کی اور دونوں ملکوں کے درمیان فضائی جھڑپ شروع ہوئی۔

1975 - خوان کارلوس اسپین کے بادشاہ بنے۔

1990 - برطانوی وزیر اعظم مارگریٹ تھیچر نے استعفیٰ کا اعلان کیا۔

1997 - ہندوستان کی ڈائنا ہیڈن مس ورلڈ منتخب ہوئیں۔

1998 - بنگلہ دیش کی متنازعہ مصنفہ تسلیمہ نسرین نے ڈھاکہ کی عدالت میں خود سپردگی کی۔

2000 - پاکستان اور ایران پر امریکہ کی جانب سے پابندیاں۔

2002 - مس ورلڈ مقابلے کے انعقاد کے خلاف نائجیریا میں بھڑکے فسادات میں سیکڑوں افراد مارے گئے۔

2005 - اینجلا مرکل جرمنی کی پہلی خاتون چانسلر بنیں۔

2006 - ہندوستان اور عالمی کنسورشیم کے چھ دیگر ملکوں نے سورج کی طرح توانائی پیدا کرنے والے ابتدائی فیوژن ری ایکٹر کے قیام کے لیے پیرس میں تاریخی معاہدہ کیا۔

2007 - برطانیہ میں غیر قانونی تارکین وطن کے مسئلے پر قابو پانے کے لیے سخت اعلانات کیے گئے۔

2008 - ہندی کے معروف شاعر کنور ناران کو سال 2005 کے گیان پیٹھ ایوارڈ کے لیے منتخب کیا گیا۔

ہندوستھان سماچار

ہندوستان سماچار / انظر حسن