نئی دہلی، 20 نومبر (ہ س)۔ حکومت نے سابق سفارت کار جاوید اشرف کو انڈیا ٹریڈ پروموشن آرگنائزیشن (آئی ٹی پی او) کا چیئرمین مقرر کیا ہے۔ اشرف 1991 بیچ کے (ریٹائرڈ) انڈین فارن سروس کے افسر ہیں۔

جمعرات کو جاری کردہ ایک حکم میں، عملے کی وزارت نے کہا کہ جاوید اشرف کو انڈیا ٹریڈ پروموشن آرگنائزیشن (آئی ٹی پی او) کا چیئرمین مقرر کیا گیا ہے۔ جاوید اشرف 1991 بیچ کے (ریٹائرڈ) انڈین فارن سروس کے افسر ہیں۔ وزارت کے حکم نامے میں کہا گیا ہے کہ انہیں چارج سنبھالنے کی تاریخ سے یا اگلے احکامات تک دو سال کی مدت کے لیے کنٹریکٹ کی بنیاد پر چیئرمین مقرر کیا گیا ہے۔ اپنے سفارتی کیرئیر کے دوران اشرف سنگاپور اور فرانس سمیت کئی ممالک میں ہندوستان کے سفیر کے طور پر خدمات انجام دے چکے ہیں۔

ہندوستھان سماچار

---------------

ہندوستان سماچار / عبدالواحد