کنشاسا، 20 نومبر (ہ س)۔ ڈیموکریٹک ریپبلک آف کانگو کے کسائی صوبے میں دریائے سنکورو میں ایک کشتی الٹنے سے کم از کم 64 افراد لاپتہ ہیں۔ چین کی خبر رساں ایجنسی ژنہوا نے مقامی حکام کے حوالے سے یہ اطلاع دی۔ حکام کے مطابق، کشتی 13 نومبر کو سنکورو صوبے کی بینا ڈیبیلے بندرگاہ سے دارالحکومت کنشاسا کے لیے روانہ ہوئی، جو 800 کلومیٹر سے زیادہ دور ہے۔ اطلاعات کے مطابق کشتی ’بھنور‘ میں پھنسنے کے بعد الٹ گئی۔ جہاز میں تقریباً 120 افراد سوار تھے جن میں سے صرف 50 کو بچا لیا گیا۔ باقی ابھی تک لاپتہ ہیں۔ امدادی اور بچاؤ کا کام جاری ہیں، لیکن لوگوں کے بچنے کے امکانات اب بہت کم ہو چکے ہیں۔

ہندوستھان سماچار

---------------

ہندوستان سماچار / عبدالواحد