ممبئی

، 2 نومبر(ہ س)۔ شیو سینا (ٹھاکرے دھڑا) کے قائد ادھو ٹھاکرے

نے جمعہ کو کہا کہ بوگس ووٹنگ ممبئی کے سیاسی نقشے کو بدل سکتی ہے اور اگر اصل

ووٹر چوکس نہ رہے تو آئندہ پانچ برس تک شہر ایسی حکومت کے ہاتھوں میں جا سکتا ہے

جو اس کا چہرہ بدل ڈالے۔ انہوں نے کارکنوں کو تاکید کی کہ ووٹنگ کے دوران چوکسی

اختیار کریں اور ہر جعلی کوشش کو ناکام بنائیں، تاکہ عوامی رائے کا صحیح اظہار

ممکن ہو۔

ٹھاکرے

ماگاتھنے شاخ کی جانب سے منعقدہ مالوانی فیسٹیول میں شریک تھے۔ یہ تقریب بنیادی

طور پر ثقافتی نوعیت کی تھی، لیکن ان کی موجودگی نے اسے سیاسی رخ دے دیا۔ انہوں نے

کونکن کی روایات کا حوالہ دیتے ہوئے کہا کہ انہوں نے بھگوان ویٹوبا کے سامنے دعا کی

ہے۔ انہوں نے یاد کیا کہ 2012 کے میونسپل انتخابات میں بھی اسی مقام پر دعا کی تھی

جس کے بعد سریش پربھو میئر منتخب ہوئے تھے۔ ٹھاکرے نے کہا کہ انہوں نے اس بار بھی

دعا کی ہے اور بھگوان ضرور سنتا ہے، اس لیے آگے کے حالات خود واضح ہو جائیں گے۔

انہوں

نے اپنے کارکنوں کے جذبے کو خراجِ تحسین پیش کرتے ہوئے کہا کہ شیو سینا کے پرانے

سپاہی آج بھی پارٹی، مہاراشٹر اور مراٹھی عوام کے لیے دیانت داری سے کام کر رہے ہیں۔

ٹھاکرے نے کہا کہ مراٹھی قوم ہمیشہ چیلنجوں کا سامنا کرتی ہے اور پیچھے نہیں ہٹتی۔

ان کے مطابق جب کوئی اشتعال دیتا ہے تو مراٹھی مدد کے لیے نکل کھڑے ہوتے ہیں۔

ٹھاکرے نے کارکنوں کو تلقین کی کہ اسی جوش و جذبے کے ساتھ اپنی جدوجہد جاری رکھیں

اور شہر کے تشخص اور مفادات کی حفاظت کریں۔

ہندوستھان

سماچار

ہندوستان سماچار / جاوید این اے