دہرادون، 2 نومبر (ہ س)۔

اسکولی تعلیم کے وزیر ڈاکٹر دھن سنگھ راوت نے محکمہ کے افسران کو ہدایت دی ہے کہ وہ ریاست میں پرائمری ایجوکیشن ڈیپارٹمنٹ کے تحت 2,100 اسسٹنٹ ٹیچر کی خالی آسامیوں کے لیے بھرتی کا عمل شروع کریں۔ اس اقدام کے تحت ضلع وار اسامیوں کی بنیاد پر درخواستیں طلب کرنے کا عمل شروع کیا جائے گا۔

اسکولی تعلیم کے وزیر ڈاکٹر دھن سنگھ راوت نے اتوار کو ایک بیان جاری کرتے ہوئے کہا کہ اس وقت ریاست میں تقریباً 2,100 پرائمری اساتذہ کے عہدے خالی ہیں، جن میں سے تقریباً 451 آسامیوں کے لیے بھرتی کا عمل پہلے ہی ہائی کورٹ میں زیر التوا ہے۔ ڈائریکٹر پرائمری ایجوکیشن کو ان کو چھوڑ کر باقی 1,649 خالی آسامیوں کے لیے بھرتی کا عمل شروع کرنے کی ہدایت کی گئی ہے۔ وزیر نے کہا کہ چونکہ پرائمری اساتذہ ضلعی کیڈر ہیں، اس لیے بھرتی کا نوٹیفکیشن ضلعی سطح پر جاری کیا جائے گا۔ اس کے تحت ڈسٹرکٹ بیسک ایجوکیشن آفیسر کی سطح پر ضلع وار اسامیوں کے لیے درخواستیں طلب کی جائیں گی۔ انہوں نے وضاحت کی کہ حکومت پرائمری تعلیمی نظام کو مستحکم کرنے کے لیے گزشتہ دو سالوں سے مسلسل پرائمری اساتذہ کی بھرتی کر رہی ہے۔ جس کے تحت3000 سے زائد خالی آسامیوں کو پر کیا گیا ہے۔ جبکہ کچھ امیدواروں نے این آئی او ایس ڈی ایل ایڈ کو شامل کرنے کو لے کر عدالت میں جانے کی وجہ سے بھرتی کا عمل متاثر ہو گیا تھا۔ سپریم کورٹ کے فیصلے کے بعد، ریاستی کابینہ نے بیسک ٹیچر سروس رولز میں ضروری ترامیم کر کے سال 2017سے2019این آئی او ایس ڈی ایل ایڈ امیدواروں کو بیسک ٹیچر بھرتی میں حصہ لینے کے ساتھ ساتھ اسسٹنٹ ٹیچر (خصوصی تعلیم) کی پوسٹ بھی شامل ہے۔ جس سے پرائمری اساتذہ آنے والے بھرتی میں ان امیدواروں کو بھی موقع ملے گا۔ اس سلسل میں حکومتی سطح سے ڈائریکٹر پرائمری ایجوکیشن کو بھی احکامات جاری کر دیے گئے ہیں، تاکہ بھرتی کا عمل جلد شروع کیا جا سکے۔

ہندوستھان سماچار

ہندوستان سماچار / عطاءاللہ