نئی دہلی، 19 نومبر (ہ س)۔ گھریلو شیئر بازار آج ابتدائی گھنٹے کے دوران سبقت کے ساتھ کاروبار کرتا نظر آ رہا ہے۔ آج کے کاروبار کی شروعات ہموار سطح پر ہوئی تھی۔ بازار کھلتے ہی فروخت کا دباو بننے کی وجہ سے سینسیکس اور نفٹی دونوں انڈیکسوں میں گراوٹ آ گئی۔ تاہم کچھ ہی دیر بعد خریداری شروع ہو جانے کے باعث ان دونوں انڈیکسوں کی صورتحال میں بہتری آنے لگی۔ پہلے ایک گھنٹے کا کاروبار ہونے کے بعد سینسیکس 0.21 فیصد اور نفٹی 0.16 فیصد کی معمولی مضبوطی کے ساتھ کاروبار کر رہے تھے۔
ابتدائی ایک گھنٹے کا کاروبار ہونے کے بعد شیئر مارکیٹ کے بڑے شیئروں میں سے میکس ہیلتھ کیئر، ٹی سی ایس، ہندستان یونی لیور، ٹیک مہندرا اور ٹائٹن کمپنی کے شیئر 2.08 فیصد سے لے کر 0.63 فیصد کی مضبوطی کے ساتھ کاروبار کرتے نظر آرہے تھے۔ دوسری طرف ٹاٹا موٹرز پیسنجر وہیکلز لمیٹڈ، کول انڈیا، ایچ ڈی ایف سی بینک، جیو فائنینشل اور اپولو اسپتال کے شیئر 1.17 فیصد سے لے کر 0.53 فیصد کی گراوٹ کے ساتھ کاروبار کرتے نظر آرہے تھے۔
ابھی تک کے کاروبار میں شیئر بازار میں 2,215 شیئرز میں ایکٹیو ٹریڈنگ ہو رہی تھی۔ ان میں سے 950 شیئرز منافع کما کر سبز نشان میں کاروبار کر رہے تھے، جبکہ 1,265 شیئرز نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئرز میں سے 13 شیئرز خریداری کے سہارے سبز نشان میں بنے ہوئے تھے۔ دوسری طرف 17 شیئرز فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئرز میں سے 21 شیئرز سبز نشان میں اور 29 شیئرز سرخ نشان میں کاروبار کرتے نظر آرہے تھے۔
بی ایس ای کا سینسیکس آج 29.24 پوائنٹس کی معمولی کمزوری کے ساتھ 84,643.78 پوائنٹس کی سطح پر کھلا۔ کاروبار کا آغاز ہوتے ہی فروخت کا دباو بن جانے کے باعث یہ انڈیکس گر کر 84,525.98 پوائنٹس تک پہنچ گیا۔ اس کے بعد خریداروں نے خریداری شروع کر دی، جس سے اس انڈیکس کی رفتار میں بہتری آنے لگی۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد صبح 10.15 بجے سینسیکس 178.57 پوائنٹس کی تیزی کے ساتھ 84,851.59 پوائنٹس کی سطح پر کاروبار کر رہا تھا۔
سینسیکس کے برعکس این ایس ای کے نفٹی نے آج 8.05 پوائنٹس کی معمولی تیزی کے ساتھ 25,918.10 پوائنٹس کی سطح سے کاروبار کی شروعات کی۔ بازار کھلتے ہی فروخت کا دباو بن جانے کے باعث تھوڑی دیر میں ہی یہ انڈیکس گر کر سرخ نشان میں 25,856.20 پوائنٹس تک پہنچ گیا۔ اس کے بعد خریداروں نے محاذ سنبھالا اور خریداری شروع کر دی، جس سے اس انڈیکس کی حالت میں بہتری آنے لگی۔ بازار میں مسلسل جاری خرید و فروخت کے درمیان ابتدائی ایک گھنٹے کا کاروبار ہونے کے بعد صبح 10.15 بجے نفٹی 42 پوائنٹس کی تیزی کے ساتھ 25,952.05 پوائنٹس کی سطح پر کاروبار کر رہا تھا۔
ہندوستھان سماچار
---------------
ہندوستان سماچار / انظر حسن
