وجئے واڑہ (آندھرا پردیش)، 19 نومبر (ہ س)۔ چھتیس گڑھ کے بستر میں 131 سیکورٹی اہلکاروں کو ہلاک کرنے کا ملزم تھیپیری تروپتی عرف دیوجی، ایک ماؤنواز نکسلائیٹ آج رامپاچوداوارم جنگلاتی علاقے میں فائرنگ کے تبادلے میں مارا گیا۔ آندھرا پردیش انٹیلی جنس کے ایڈیشنل ڈائریکٹر جنرل آف پولیس مہیش چندر لڈا نے اس کی تصدیق کی۔

اے ڈی جی مہیش چندرا نے بتایا کہ آج صبح سیکورٹی فورسز اور ماؤنوازوں کے درمیان شدید فائرنگ کے تبادلے میں چھ سے سات ماؤنواز مارے گئے۔ مارے گئے نکسلیوں میں تھیپیری تروپتی عرف دیوجی بھی شامل تھا۔ دیوجی اڈیشہ آندھرا پردیش سرحد پر سرگرم تھا۔ نکسلی تنظیم نے دیو جی کو اپنا جنرل سکریٹری مقرر کیا تھا۔ دیوجی پر بستر علاقے میں 131 سے زیادہ سیکورٹی اہلکاروں کو ہلاک کرنے کا الزام ہے۔ حکومت نے اس خوفناک نکسلائیٹ کی گرفتاری کے لیے ایک کروڑ روپے سے زیادہ کے انعام کا اعلان کیا تھا۔

ہندوستھان سماچار

---------------

ہندوستان سماچار / عبدالواحد