وزیر اعلیٰ نے نئی حکومت کی حلف برداری تقریب کی تیاریوں کا جائزہ لیا، افسران کو ضروری ہدایات دیںپٹنہ، 18 نومبر(ہ س)۔ وزیر اعلیٰ نتیش کمار نے آج گاندھی میدان پہنچ کر نئی حکومت کی حلف برداری تقریب کی تیاریوں کا جائزہ لیا۔ نئی حکومت کی حلف برداری تقریب 20 نومبر کو ہونے والی ہے۔ اس دوران وزیر اعلیٰ نے اسٹیج پر مہمانوں کے بیٹھنے کے انتظامات اور فراہم کی جانے والی دیگر سہولیات کے بارے میں افسران سے تفصیلی جانکاری حاصل کی۔ افسران نے حلف برداری تقریب میں خصوصی شخصیات، نو منتخب ارکان اسمبلی، سینئر لیڈران اور بڑی تعداد میں پہنچنے والے لوگوں کے بیٹھنے کا انتظام، سیکورٹی اور دیگر مہیا کرائی جانے والی ضروری سہولتوں کے بارے میں بھی وزیر اعلیٰ نے معلومات حاصل کی ۔اس موقع پر نائب وزیر اعلیٰ سمراٹ چودھری، وزیر وجے کمار چودھری، وزیر نتن نوین، وزیر سنجے سراوگی، وزیر اعلیٰ کے پرنسپل سکریٹری دیپک کمار، چیف سکریٹری پرتیئے امرت، ڈی جی پی ونے کمار، ایڈیشنل چیف سکریٹری داخلہ اور کابینہ سکریٹریٹ محکمہ کے سکریٹری اروند کمارچودھری، وزیر اعلیٰ کے سکریٹری انوپم کمار، وزیر اعلیٰ کے سکریٹری کمار روی، وزیر اعلیٰ کے سکریٹری ڈاکٹر چندر شیکھر سنگھ، وزیر اعلیٰ کے او ایس ڈی گوپال سنگھ، محکمہ داخلہ کے سکریٹری پرنو کمار، کمشنر پٹنہ ڈویژن انیمیش پراشر، پٹنہ رینج کے انسپکٹر جنرل آف پولیس جتیندر رانا، ڈی ایم ڈاکٹر تیاگراجن ایس ایم،ایس ایس پی کارتیکیے کے شرما سمیت دیگر سینئر افسران موجود تھے۔ہندوستھان سماچار

ہندوستان سماچار / Mohammad Afzal Hassan