وجے واڑہ/رمپاچھوڑاورم، 18 نومبر (ہ س)۔ آندھرا پردیش میں ماونوازوں کے خلاف شکنجہ کسنے کے دوران سیکورٹی فورسز نے منگل کو ایک اور بڑی کامیابی حاصل کی۔ سیکورٹی فورسز نے صبح ایک انکاونٹر میں چھ ماونواز مار گرائے ۔ اس کے کچھ ہی دیر بعد، سیکورٹی فورسز نے ریاست میں کئی مقامات پر چھاپے مارکر 31 ماو¿نوازوں کو گرفتار کیا۔ ان تمام سے پوچھ گچھ کی جا رہی ہے۔

آندھرا پردیش کے اے ڈی جی انٹیلی جنس مہیش چندر لڈھا نے الوری سیتاراماراجو ضلع کے ایس پی امت بردار کے ساتھ صحافیوں کو انکاونٹر اور گرفتاری کی مکمل تفصیلات بتائیں۔ لڈھا نے کہا کہ منگل کی صبح 6.30 سے 7.00 بجے کے درمیان الوری سیتاراماراجو ضلع کے ماریدوملی جنگلاتی علاقے میں سیکورٹی فورسز اور ماونوازوں کے درمیان فائرنگ کا تبادلہ ہوا۔ اس انکاونٹر میں چھ ماونواز مارے گئے۔ لدھا نے کہا کہ خفیہ معلومات کی بنیاد پرگزشتہ دو دنوں سے بڑے پیمانے پر تلاشی مہم چلائی جا رہی تھی۔ سرچ آپریشن تاحال جاری ہے۔ انہوں نے کہا کہ ماونوازوں سے مختلف قسم کے ہتھیار ضبط کئے گئے ہیں۔

اے ڈی جی مہیش چندر لڈھا نے بتایا کہ پولیس نے کرشنا ضلع کے وجے واڑہ اور کاکیناڈا میں چھاپہ مارا اور 31 ماونوازوں کو گرفتار کیا۔ ان میں 27 ماونواز بھی شامل تھے جنہوں نے وجے واڑہ کے قریب پیناملورو آٹو نگر میں واقع ایک مکان میں پناہ لی تھی۔ ان میں 21 خواتین اور 6 مرد شامل ہیں، تمام چھتیس گڑھ کے رہنے والے ہیں۔ انہوں نے کہا کہ ان ماونوازوں میں سے نو مرکزی کمیٹی کے رکن دیوجی کی حفاظت میں شامل باڈی گارڈ تھے اور آٹھ ڈنڈکارنیا جنگلاتی علاقے کے ممبر تھے۔ اس کے علاوہ کاکیناڈا سے چار ماونوازوں کو گرفتار کیا گیا ہے۔

ہندوستھان سماچار

ہندوستان سماچار / محمد شہزاد