رام اللہ،18نومبر(ہ س)۔فلسطینی اتھارٹی نے سلامتی کونسل میں صدر ٹرمپ کے 20 نکاتی غزہ منصوبے کی حمایت میں منظور کی گئی قرارداد کا خیر مقدم کیا ہے۔فلسطینی اتھارٹی کا کہنا ہے کہ امریکی منصوبہ غزہ میں مستقل اور جامع جنگ بندی کی توثیق کرتا ہے۔

فلسطینی اتھارٹی کے مطابق امریکی منصوبہ غزہ میں انسانی امداد کی بلا تعطل فراہمی کی توثیق کرتا ہے۔یہ منصوبہ فلسطینیوں کے حق خودارادیت اور آزاد فلسطینی ریاست کے قیام کی بھی توثیق ہے۔فلسطینی اتھارٹی نے اپنے بیان میں کہا کہ عوام کے مصائب کے خاتمے کے لیے قرارداد پر عملدرآمد یقینی بنانے کے لیے تعاون کرینگے۔

ہندوستھان سماچار

ہندوستان سماچار / Mohammad Khan