نئی دہلی، 18 نومبر (ہ س)۔ وزیر اعظم نریندر مودی نے منگل کو چھٹے رام ناتھ گوئنکا لیکچر میں اپنی تقریر کا اشتراک کرتے ہوئے ہم وطنوں سے اپیل کی کہ وہ اگلے دس سالوں میں غلامانہ ذہنیت سے مکمل آزادی کا عہد کریں۔ انہوں نے کہا کہ یہ ذہنیت استعمار کی میراث ہے اور اب وقت آگیا ہے کہ ملک اس سے مکمل طور پر آزاد ہو جائے۔ انہوں نے اہل وطن پر زور دیا کہ وہ اجتماعی عزم کے ساتھ استعماری ذہنیت سے آزادی کی طرف بڑھیں۔

سوشل میڈیا پلیٹ فارم ایکس پر شیئر کی گئی ایک پوسٹ میں، وزیر اعظم مودی نے کہا کہ رام ناتھ گوئنکا کی زندگی میں قوم کی اولین حیثیت اور سچائی کے لیے ایک اٹل عزم کا جذبہ مجسم ہے۔ انہوں نے ہمیشہ فرض کو ہر چیز پر مقدم رکھا اور یہ جذبہ آج بھی صحافت اور جمہوریت دونوں کو متاثر کرتا ہے۔ جمہوریت پر بات کرتے ہوئے وزیر اعظم مودی نے حالیہ بہار اسمبلی انتخابات کا حوالہ دیا۔ انہوں نے کہا کہ ریکارڈ ووٹر ٹرن آؤٹ اور خاص طور پر خواتین کی بڑھتی ہوئی شرکت اس بات کی نشاندہی کرتی ہے کہ ہندوستان کی جمہوریت مسلسل مضبوط ہو رہی ہے۔

ہندوستان کی ترقی کو دنیا کے لیے امید کا نمونہ بتاتے ہوئے وزیر اعظم نے کہا کہ ملک کی اقتصادی ترقی اور سماجی تبدیلی دنیا کے لیے ایک مثال قائم کر رہی ہے۔ الیکشن جیتنے کی کلید عوامی جذبات کو سمجھنا ہے، مسلسل انتخابی موڈ میں نہیں رہنا۔

وزیر اعظم نے کہا کہ ماؤ ازم کا اثر و رسوخ مسلسل کم ہو رہا ہے جو کہ ہندوستان کی ترقی اور سلامتی کے لیے بہت مثبت علامت ہے۔

ہندوستھان سماچار

---------------

ہندوستان سماچار / عبدالواحد