نئی دہلی، 17 نومبر (ہ س)۔

ہندوستان کی سب سے بڑی امید ایک بار پھر سڈنی میں منگل سے شروع ہونے والے آسٹریلین اوپن سپر 500 بیڈمنٹن ٹورنامنٹ میں ساتوک سائی راج رینکی ریڈی اور چراغ شیٹی کی ٹاپ سیڈ مردوں کی ڈبلز جوڑی پر ٹکی ہوگی۔ یہ جوڑی سیزن کا اپنا پہلا ٹائٹل جیتنے کی کوشش کرے گی۔

ایشیائی کھیلوں کے طلائی تمغہ جیتنے والے ساتوک-چراغ اس سال ہندوستانی بیڈمنٹن کے لیے مشکل دور میں مسلسل چمک رہے ہیں۔ انہوں نے عالمی چمپئن شپ میں کانسی کا تمغہ جیتا اور ہانگ کانگ سپر 500 اور چائنا ماسٹرز سپر 750 میں رنر اپ رہے۔ عالمی نمبر ایک رینکنگ میں 18 ہفتے گزارنے اور مئی میں 27 ویں نمبر پر گرنے کے بعد یہ جوڑی اب تیسرے نمبر پر آ گئی ہے۔ وہ چائنیز تائپے کے چانگ کو چی اور پو لی وی کے خلاف اپنی مہم کا آغاز کریں گے۔

لکشیہ سین اور ایچ ایس پرنئے تال کی تلاش میں

یہ ٹورنامنٹ ہندوستان کے ٹاپ سنگلز کھلاڑیوں لکشیہ سین اور ایچ ایس پرنئے کیلئے یہ ٹورنامنٹ مستقل مزاجی تلاش کرنے کے لیے ایک موقع ہوگا۔ لکشیہ نے طویل خراب دور کے بعد ہانگ کانگ اوپن میں فائنل تک پہنچ کر زبردست واپسی کی تھی۔ وہ گزشتہ ہفتے جاپان میں سیمی فائنل میں بھی پہنچے تھے۔ ساتویں سیڈ لکشیہ کا مقابلہ پہلے راو¿نڈ میں چائنیز تائپے کے سو لی یانگ سے ہوگا۔

2023 ورلڈ چیمپیئن شپ کانسی کا تمغہ جیتنے والے پرنئے پچھلے سال اس ٹورنامنٹ میں رنر اپ رہے۔ چوٹ سے واپسی پر پرنئے نے کماموٹو، جاپان میں اچھی کارکردگی کا مظاہرہ کیا۔ اپنے پہلے میچ میں ان کا مقابلہ کینیڈا کے برائن یانگ سے ہوگا۔

دوسرے ہندوستانی کھلاڑی

کدامبی سری کانت، جو اس سال ملائیشیا ماسٹرز میں رنر اپ رہے تھے، کا مقابلہ پہلے راو¿نڈ میں پانچویں سیڈڈ لن چون یی سے ہوگا۔ یو ایس اوپن چیمپئن آیوش شیٹی کا مقابلہ ملائیشیا کے جسٹن ہو سے ہوگا۔ کرن جارج کا مقابلہ چھٹی سیڈ کینتا نشیموتو سے ہوگا۔ تھرون مانی پلی اپنی مہم کا آغاز ڈنمارک کے میگنس جوہانسن کے خلاف کریں گے۔

خواتین کے سنگلز اور ڈبلز

خواتین کے سنگلز میں اکیلے ہندوستانی آکرشی کشیپ کو سخت شروعات کا سامنا کرنا پڑے گا، جس کا سامنا ٹاپ سیڈ اور اولمپک چیمپئن این سی ینگ سے ہوگا۔

طویل وقفے کے بعد واپسی کرتے ہوئے گائتری گوپی چند اور ٹریسا جولی کا مقابلہ خواتین کے ڈبلز میں چوتھی سیڈ والی یان فی چن اور چائنیز تائپے کی لیانگ چنگ سن سے ہوگا۔ یہ ہفتہ ہندوستانی کھلاڑیوں کے لیے آسٹریلین اوپن میں اپنی فارم اور رفتار کو مضبوط کرنے کا ایک اہم موقع ہوگا۔

ہندوستھان سماچار

ہندوستان سماچار / عطاءاللہ