فرخ آباد، 16 نومبر (ہ س)۔اترپردیش کے فرخ آباد کے فتح گڑھ تھانے کے علاقے میں لڑائی کی اطلاع پر پہنچنے والے پولیس اہلکاروں پر بدمعاشوں نے حملہ کیا اور ان کی وردیاں پھاڑ دیں۔ کانسٹیبل راہل ملک کی شکایت کی بنیاد پر قصورواروں کے خلاف رپورٹ درج کر لی گئی ہے۔
وکرانت اپنی کار کو محمد آباد کی طرف چلا رہا تھا جب قادری گیٹ پولیس اسٹیشن کے تحت بھاؤپور گاؤں کے رہنے والے انوپ کی کار سے ٹکر ہوگئی۔ وکرانت زخمی انوپ کو ڈاکٹر وشال اگروال کے کلینک لے جا رہے تھے۔ اسی دوران انوپ کے خاندان کے تین یا چار لوگ وہاں پہنچ گئے اوراس پر حملہ کردیا۔ وکرانت نے اس واقعہ کی اطلاع 112 نمبر پرپولیس کو دی۔
واقعہ کی اطلاع ملتے ہی پی آر وی کانسٹیبل راہل ملک اور ویریندر جائے وقوعہ پر پہنچے اور مداخلت کی۔
زخمی انوپ کے اہل خانہ اجیت، پشپا اور نکنج نے پی آر وی کانسٹیبلوں پر حملہ کیا اور ان کی وردی پھاڑ دی۔
پی آر وی کانسٹیبل راہل ملک نے حملہ آوروں کے خلاف فتح گڑھ پولیس اسٹیشن میں رپورٹ درج کرائی ہے، جس میں سرکاری کام میں رکاوٹ ڈالنے، حملہ کرنے اور ان کی وردی پھاڑنے کا الزام لگایا گیا ہے۔ تھانے دار رن بہادر سنگھ نے بتایا کہ کانسٹیبلوں پر حملہ کرنے والوں کے خلاف رپورٹ درج کر لی گئی ہے۔ حملہ آوروں کے خلاف سخت کارروائی کی جائے گی۔
ہندوستھان سماچار
---------------
ہندوستان سماچار / عبدالواحد
