پٹنہ،16 نومبر(ہ س)۔ پٹنہ کے خسروپور تھانہ علاقے میں دیر شام پولیس اورجرائم پیشہ کے درمیان زبردست جھڑپ ہوئی۔ 25,000 روپے کا انعامی جرائم پیشہ متھن کمارکے پیر میں گولی لگی، جبکہ ایک سب انسپکٹر اور ایک کانسٹیبل بھی زخمی ہوئے۔ واقعہ ہرداس بیگھا اسٹیشن کے قریب پیش آیا جس سے پورے علاقے میں خوف و ہراس پھیل گیا۔

دیہی ایس پی اپراجیت لوہن نے واقعہ کی تصدیق کرتے ہوئے کہا کہ خفیہ اطلاع ملی تھی کہ مقدمہ نمبر 376/25 کا مجرم خسروپور تھانہ علاقہ میں اسٹیشن کے قریب چھپا ہوا ہے۔ اطلاع کی بنیاد پر پولیس نے ایک خصوصی ٹیم تشکیل دی اور چھاپہ ماری کی۔ پولیس کو دیکھ کر مجرموں نے فائرنگ کر دی جس سے سب انسپکٹر اور کانسٹیبل زخمی ہو گئے۔

دیہی ایس پی نے کہا کہ پولیس نے فوری جواب دیا۔ متھن کمار کے پیر میں گولی لگی اور وہ شدید زخمی ہو گئے۔ تھانہ انچارج کے مطابق متھن کمار کے لیے 25,000 روپے کے انعام کا اعلان کیا گیا ہے۔ واردات کے دوران دیگر ملزمین اندھیرے کا فائدہ اٹھاتے ہوئے موقع سے فرار ہوگئے۔

زخمی متھن کمار کو فوری طور پر قریبی اسپتال میں علاج کے لیے داخل کرایا گیا۔ پولیس نے جائے وقوعہ سے گولیوں کے دو کھوکھے برآمد کر لیے۔ زخمی پولیس اہلکاروں کی حالت مستحکم بتائی جاتی ہے۔ واقعے کے بعد علاقے میں خوف وہراس پھیل گیا۔

اطلاع ملنے پر پولیس کی بھاری نفری جائے وقوعہ پر پہنچی اور پورے علاقے کو گھیرے میں لے لیا۔ فرار ہونے والے ملزمین کی تلاش کے لیے بڑے پیمانے پر سرچ آپریشن جاری ہے۔ پولیس نے آس پاس کے گاؤںاور سڑکوں کی ناکہ بندی کر دی ہے۔

یہ انکاؤنٹر پولیس چوکسی کی ایک مثال ہے جس سے مقامی مجرموں میں خوف و ہراس پھیل گیا ہے۔ پولیس سپرنٹنڈنٹ نے کہا کہ مجرموں کو جلد گرفتار کر لیا جائے گا۔ معاملے کی مزید تفتیش جاری ہے اور تمام پہلوؤں پر غور کیا جا رہا ہے۔

ہندوستھان سماچار

ہندوستان سماچار / Mohammad Afzal Hassan