نئی دہلی ،13نومبر (ہ س )۔

آج یہاں جاری ایک بیان میں شاہجہانی شاہی جامع مسجد کے شاہی امام سید احمد بخاری نے لال قلعہ کے قریب دہشت گردانہ حملے کی مذمت کرتے ہوئے کہا کہ مہذب معاشرے میں دہشت گردی کے لیے کوئی جگہ نہیں ہے اور نہ ہی ہونی چاہیے۔ حب الوطنی سے لبریز ہندوستانی مسلمان اس مشکل گھڑی میں اپنے ہم وطنوں کے ساتھ دیوار کی طرح کھڑے ہیں۔

شاہی امام نے اس دھماکے میں اپنے پیاروں کو کھونے والے متاثرین کے خاندانوں کے ساتھ اپنی گہری ہمدردی اور یکجہتی کا اظہار کیا۔ انہوں نے ان کے درد پر اجتماعی ہمدردی کا اظہار کیا۔ انہوں نے مزید کہا کہ ہمارے کشمیری بھائیوں اور بہنوں سمیت مسلمان اس نازک موڑ پر دہشت گردی کے خلاف قومی اتحاد اور سلامتی کے لیے بغیر کسی تعصب کے ساتھ کھڑے ہیں۔

شاہی امام نے امید ظاہر کی کہ قومی قیادت دہشت گردوں اور ان کے آقاو¿ں کو کیفرکردار تک پہنچانے میں کوئی کسر نہیں چھوڑے گی۔ امام بخاری نے کہا کہ اس سلسلے میں کیا گیا اقدام غیر جانبدارانہ اور ظاہر ہونا چاہیے۔ انہوں نے کہا کہ دہشت گردی کے خلاف ملک گیر مہم پر اہل وطن کو بڑا اعتماد ہے۔ انہوں نے کہا کہ ہندوستانیوں کے عزم سے ہم دہشت گردوں کے خلاف مہم لڑنے میں کامیاب ہوں گے اور انہیں ختم کرنے میں کامیاب ہوں گے۔

ہندوستھان سماچار

ہندوستان سماچار / عطاءاللہ