او بی سی نشستوں پر صرف حقیقی او بی سی امیدوار ہی نامزد ہوں، مہاسنگھ کا مطالبہ

پونے،

13 نومبر (ہ س)۔ او بی سی بہوجن مہاسنگھ نے ریاستی سطح پر ایک سخت انتباہ جاری کرتے

ہوئے کہا ہے کہ پنچایت سمیتی اور ضلع پریشد کے آنے والے انتخابات میں او بی سی کے

لیے مختص نشستوں پر صرف حقیقی او بی سی طبقے کے امیدواروں کو ہی ٹکٹ دیا جانا چاہیے۔

تنظیم کے مطابق، اگر کسی کنبی ذات کے سرٹیفکیٹ رکھنے والے امیدوار کو نامزد کیا گیا

تو وہ ریپبلکن پارٹی کے ساتھ مل کر ایک ہمہ گیر تحریک شروع کریں گے اور تمام

نشستوں پر مقابلہ کریں گے۔

ملشی

تعلقہ او بی سی بہوجن مہاسنگھ کے صدر بالا صاحب زورے نے جمعرات کو ایک پریس

کانفرنس میں کہا کہ تعلقہ میں پنچایت سمیتی کی نو نشستوں میں سے تین او بی سی اور

ایک درج فہرست ذات کے لیے مخصوص ہیں، لہٰذا سیاسی جماعتوں کو ان نشستوں پر صرف

مستند او بی سی امیدواروں کو ہی نامزد کرنا چاہیے۔

زورے نے

کہا کہ “اگر غیر متعلقہ افراد کو او بی سی کے زمرے میں شامل کر کے انہیں ٹکٹ دیے

گئے تو یہ برادری کے حقِ نمائندگی پر ایک سنگین وار ہوگا۔ ہم اس ناانصافی کے خلاف

احتجاج کریں گے اور پورے تعلقہ میں او بی سی اتحاد کے امیدوار کھڑے کریں گے۔”

انہوں

نے مزید کہا کہ یہ معاملہ محض انتخابی سیاست کا نہیں بلکہ او بی سی اور بہوجن

برادریوں کے وجود اور احترام سے متعلق ہے۔ زورے نے الزام لگایا کہ گرام پنچایتوں

اور مقامی اداروں میں او بی سی برادری کو منظم انداز میں کمزور کیا جا رہا ہے تاکہ

دیہی ڈھانچے سے ان کی نمائندگی ختم کر دی جائے۔

انہوں

نے اعلان کیا کہ اس سلسلے میں او بی سی بہوجن مہاسنگھ 20 نومبر کو ایک بڑی ریلی

منعقد کرے گا جس میں او بی سی، بہوجن اور ریپبلکن جماعتوں کے کارکنان بھرپور شرکت

کریں گے۔ پریس کانفرنس کے دوران وشال شیلکے نے بتایا کہ اس ریلی میں لکشمن ہاکے،

نوناتھ واگھمارے، منگیش ساسانے اور ریپبلکن پارٹی کے رہنما پرشورام واڈیکر شرکت کریں

گے۔

ہندوستھان

سماچار

--------------------

ہندوستان سماچار / جاوید این اے