ملک و دنیا کی تاریخ میں 14 نومبر کی تاریخ ہندوستان کے خلائی مشن کے سنہری باب کے طور پر درج ہے۔ اسی دن، سال 2008 میں ہندوستانی خلائی تحقیقاتی تنظیم (اسرو) نے تاریخ رقم کرتے ہوئے چاند کی سطح پر اپنا پرچم نصب کیا تھا۔ یہ دن ہندوستان کے پہلے چاند مشن—چاندریان-1—کی کامیابی کی علامت بن گیا۔

22 اکتوبر 2008 کو لانچ کیا گیا چاندریان-1، 30 اگست 2009 تک چاند کا مدار طے کرتا رہا۔ اس جہاز میں نصب خصوصی آلہ مون امپیکٹ پروب (ایم آئی پی) 14 نومبر 2008 کو چاند کی سطح پر کامیابی کے ساتھ اترا۔ اس مشن نے ہندوستان کو امریکہ، روس اور جاپان کے بعد دنیا کا چوتھا ملک بنا دیا جس نے چاند پر اپنی موجودگی درج کرائی۔

اہم بات یہ رہی کہ یہی مون امپیکٹ پروب چاند کی سطح پر پانی کی موجودگی کے شواہد تلاش کرنے میں کامیاب ہوا، جو اُس وقت عالمی سطح پر ایک بڑی سائنسی کامیابی مانی گئی۔ امریکی خلائی ایجنسی ناسا نے بھی اس دریافت کی تعریف کرتے ہوئے ہندوستان کی تعریف کی تھی۔

چاندریان-1 کو چاند تک پہنچنے میں تقریباً 5 دن اور چاند کے مدار میں قائم ہونے میں 15 دن لگے۔ اس تاریخی آلے کا تصور سابق صدر جمہوریہ اور عظیم سائنسداں ڈاکٹر اے پی جے عبدالکلام نے کیا تھا۔ انہوں نے ہی مشورہ دیا تھا کہ ہندوستان کو چاند پر اپنا نشان چھوڑنا چاہیے اور اسرو کے سائنسدانوں نے ان کے اس خواب کو حقیقت میں بدل دیا۔

یہ مشن نہ صرف ہندوستان کی سائنسی صلاحیت کا ثبوت تھا، بلکہ اس نے خلائی تحقیق کے میدان میں ملک کی پوزیشن کو مزید مضبوط کیا۔ آج بھی 14 نومبر کا یہ دن ہندوستان کے لیے فخر کی علامت ہے- جب ملک نے واقعی ’’چاند پر قدم رکھا‘‘۔

دیگر اہم واقعات:

1681 - ایسٹ انڈیا کمپنی نے بنگال کے الگ ریاست بننے کا اعلان کیا۔

1889 - ہندوستان کے پہلے وزیر اعظم جواہر لعل نہرو پیدا ہوئے۔

1922 - برٹش براڈکاسٹنگ کارپوریشن (بی بی سی) نے برطانیہ میں ریڈیو سروس شروع کی۔ یہ برطانیہ میں ریڈیو نشر کرنے والی پہلی تنظیم بنی۔

1922 - اقوام متحدہ کے چھٹے سکریٹری جنرل بطروس غالی پیدا ہوئے۔

1948 - ملکہ الزبتھ دوم اور پرنس فلپ کے سب سے بڑے بیٹے پرنس چارلسپیدا ہوئے۔

1955 - ہندوستان میں ملازمین ریاست بیمہ کارپوریشن کی شروعات۔

1964 - یوم اطفال منانے کا سرکاری اعلان۔

1967 - ہندوستان کی کرکٹ ٹیم کے پہلے ٹیسٹ کپتان سی کے نائیڈو کا انتقال ہوا۔

1969 - اپولو-12 کو لانچ کیا گیا۔ یہ تین خلائی مسافروں کو لے کر چاند پر پہنچا۔

1993 - ہندوستانی ویٹ لفٹر وکاس ٹھاکرپیدا ہوئے۔

1999 - اقوام متحدہ نے ایک ماہ کے اندر بین الاقوامی دہشت گرد اسامہ بن لادن کو امریکہ یا کسی تیسرے ملک کے حوالے نہ کرنے پر طالبان پر پابندیاں عائد کر دیں۔ دولت مشترکہ کانفرنس (ڈربن، جنوبی افریقہ) نے پاکستان کو معطل کرنے کا اعلان کیا۔

2006 - ہندوستان اور پاکستان کے خارجہ سکریٹریوں نے نئی دہلی میں دہشت گردی کے خلاف میکانزم بنانے پر اتفاق کیا۔

2008 - سابق مرکزی وزیر اور ترنمول کانگریس کے رہنما اجیت پانجہ کا انتقال۔

2008 - چھتیس گڑھ میں اسمبلی انتخابات کے پہلے مرحلے کا انتخاب مکمل ہوا۔

2009 - منڈور سپر فاسٹ ایکسپریس ٹرین کے 15 ڈبے جے پور کے بانسکھو پھاٹک کے قریب پٹری سے اتر گئے۔ حادثے میں 6 مسافروں کی موت ہو گئی۔

2010 - ہندوستان کے معروف معاشیات داں لکشمی چند جین کا انتقال ہوا۔

ہندوستھان سماچار

---------------

ہندوستان سماچار / انظر حسن