بنگلورو، 13 نومبر (ہ س)۔

پاکسو معاملے کا سامنا کر رہے کرناٹک کے سابق وزیر اعلیٰ بی ایس یدی یورپا کے خلاف نچلی عدالت سے جاری سمن کی کارروائی جاری رکھنے کا حکم ہائی کورٹ نے دیاہے ۔ عدالت نے یدی یورپا کی عرضی کو خارج کر دیا ہے۔

یدی یورپا پر بنگلورو کے ڈالرس کالونی میں واقع اپنی رہائش گاہ پر ایک 17 سالہ لڑکی کے ساتھ جنسی زیادتی کا الزام ہے۔ لڑکی کی ماں نے مارچ 2024 میں سداشیو نگر پولیس اسٹیشن میں شکایت درج کروائی، جس میں الزام لگایا گیا کہ یدی یورپا نے اس کے ساتھ جنسی زیادتی کی جب وہ ان کے پاس مدد کے لئے گئی تھی ۔ پولیس نے پروٹیکشن آف چلڈرن فرام سیکسوئل آفنس (پوکسو) ایکٹ کے تحت مقدمہ درج کیا ہے۔ کیس کی سنگینی کو دیکھتے ہوئے حکومت نے اسے مرکزی تفتیشی محکمہ (سی آئی ڈی) کو منتقل کر دیا۔ جون 2024 میں، سی آئی ڈی نے یدی یورپا اور ان کے تین ساتھیوں کے خلاف 750 صفحات پر مشتمل چارج شیٹ داخل کی، جس میں ان پر ثبوتوں کو تباہ کرنے اور کیس کو دبانے کی کوشش کا الزام لگایا گیا۔

اس معاملے میں، نچلی عدالت نے تمام ملزمان کے خلاف الزامات طے کرنے کے سلسلے میں یدی یورپا کو سمن جاری کیا تھا۔ اس نے اس سمن کو چیلنج کرتے ہوئے ہائی کورٹ سے رجوع کیا۔ آج کی سماعت کے بعد ہائی کورٹ نے یدی یورپا کی عرضی کو خارج کر دیا اور سمن کی کارروائی کو برقرار رکھنے کا حکم دیا۔

ہندوستھان سماچار

ہندوستان سماچار / عطاءاللہ