نئی دہلی، 10 نومبر (ہ س)۔ بارش نے ایک بار پھر نیلسن میں کھیلے جانے والے چوتھے ٹی ٹوئنٹی میں خلل ڈال دیا۔ صرف 39 گیندیں کھیلنے کے بعد میچ ختم کر دیا گیا۔ اس نتیجے کے ساتھ ہی نیوزی لینڈ نے ویسٹ انڈیز پر 1-2 کی ناقابل تسخیر برتری حاصل کر لی ہے۔ ویسٹ انڈیز کے پاس اب جمعرات کو ڈیونیڈن میں ہونے والے پانچویں اور آخری ٹی ٹوئنٹی میں سیریز برابر کرنے کا موقع ہے، جبکہ نیوزی لینڈ اسے 1-3 سے جیت سکتا ہے۔

میچ شروع ہونے سے قبل آسمان پر بادل چھائے ہوئے تھے اور محکمہ موسمیات نے شام تک بارش کی پیش گوئی کی تھی۔ اس کے باوجود ٹاس اور میچ کا آغاز شیڈول کے مطابق ہوا۔ پانچ اوورز کے کھیل کے بعد پہلی بار بارش ہوئی، جس سے تقریباً 30 منٹ کا وقفہ پڑا۔ جب کھیل دوبارہ شروع ہوا تو صرف نو گیندوں کے بعد بارش دوبارہ شروع ہو گئی اور بالآخر میچ کو منسوخ کر دیا گیا۔ جب میچ ختم کیا گیا تو ویسٹ انڈیز کا 6.3 اوورز کے بعد 1 وکٹ پر 38 رنز تھا۔

جمی نیشم نے چھٹے اوور میں ایلک اتھانازے (18 گیندوں پر 21 رنز، 2 چھکے، 1 چوکا) کو آؤٹ کیا۔ عامر جنگو 12 اور شائی ہوپ 3 رنز بنا کر ناٹ آؤٹ رہے۔

کوئی نتیجہ نہیں: ویسٹ انڈیز – 38/1 (اتھانازے 21، جنگو 12*، نیشام 1/5) بمقابلہ نیوزی لینڈ

ہندوستھان سماچار

---------------

ہندوستان سماچار / عبدالواحد