آزاد ہندوستان کے پہلے وزیر تعلیم مولانا ابوالکلام آزاد کی یوم پیدائش کی یاد میں ہر سال 11 نومبر کو ملک بھر میں قومی یوم تعلیم منایا جاتا ہے۔ آزادی کے بعد ہندوستان کے تعلیمی نظام کی بنیاد رکھنے میں آزاد کے کام نے ملک کے مستقبل کو ایک نئی سمت دی۔

مولانا آزاد ایک وژنری رہنما اور عالم تھے۔ ان کا ماننا تھا کہ تعلیم ہر فرد کا حق ہے اور معاشرے میں مساوات اور ترقی کی بنیاد بن سکتی ہے۔ ان کی قیادت میں یونیورسٹی گرانٹس کمیشن، آل انڈیا کونسل فار ٹیکنیکل ایجوکیشن، اور انڈین انسٹی ٹیوٹ آف ٹیکنالوجی جیسے ادارے قائم ہوئے، جس نے علم اور ٹیکنالوجی کے میدان میں ہندوستان کو عالمی سطح پر قائم کیا۔

ان کا نظریہ آج بھی اتنا ہی بامعنی ہے جتنا کہ آزادی سے پہلے تھا۔ مولانا آزاد کہا کرتے تھے کہ ’’تعلیم ہی وہ واحد ذریعہ ہے جو معاشرے میں مساوات اور ترقی لا سکتا ہے۔

قومی یوم تعلیم کے موقع پر ملک بھر کے اسکولوں اور یونیورسٹیوں میں سیمینارز، مقالوں، مباحثوں اور نمائشوں کے ذریعے ان کی خدمات کو یاد کیا جاتا ہے، تاکہ نئی نسل تعلیم کی اہمیت کو سمجھے اور ان کے نظریات سے تحریک حاصل کرے۔

اہم واقعات

1675 - گرو گوبند سنگھ کو سکھوں کا گرو مقرر کیا گیا۔

1966 - امریکی خلائی ایجنسی ناسا نے خلائی جہاز 'جیمنی-12' لانچ کیا۔

1973 - پہلی بین الاقوامی ڈاک ٹکٹ کی نمائش نئی دہلی میں شروع ہوئی۔

1989 - دیوار برلن گرنا شروع ہوئی۔

2001 - ڈبلیو ٹی او نے دوحہ اجلاس میں ہندوستان کی حمایت کی۔

2004 - یاسر عرفات انتقال کر گئے۔ محمود عباس پی ایل او کے نئے صدر بن گئے۔

پیدائش

1837 - الطاف حسین حالی - مشہور اردو ادیب اور شاعر۔

1888 - ابوالکلام آزاد - آزاد ہندوستان کے پہلے وزیر تعلیم۔

1888 - جے بی کرپلانی - مشہور ہندوستانی مجاہد آزادی اور سیاست دان۔

1936 – کیلاش واجپائی – مشہور ہندی ادیب۔

1936 - مالا سنہا - ہندی فلموں کی مشہور اداکارہ۔

1943 - انیل کاکوڈکر - ہندوستانی جوہری سائنسدان۔

انتقال

1849 - رام سنگھ پٹھانیا - ہندوستان کے مجاہدین آزادی میں سے ایک۔

1971 - دیوکی بوس - مشہور فلم ڈائریکٹر۔

1982 – اماکانت مالویہ، مشہور شاعر اور نغمہ نگار۔

1994 - کوپلی وینکٹپا پٹپا - کنڑزبان کے شاعر اور مصنف۔

2008 - کنہیا لال سیٹھیا - جدید دور کے مشہور ہندی اور راجستھانی مصنف۔

اہم دن

-قومی تعلیمی دن (مولانا ابوالکلام آزاد کی یوم پیدائش)۔

ہندوستھان سماچار

---------------

ہندوستان سماچار / عبدالواحد