ورون دھون اور جھانوی کپور کی فلم ’سنی سنسکاری کی تلسی کماری‘ کا باکس آفس پر جلوہ کم ہوتا جا رہا ہے۔ ششانک کھیتان کی ہدایت کاری میں بننے والی یہ فلم 2 اکتوبر کو سینما گھروں میں ریلیز ہوئی تھی۔ حیرت کی بات یہ ہے کہ فلم کے کاروبار میں صرف ایک ہفتے کے اندر زبردست کمی دیکھی گئی ہے۔ تقریباً 80 کروڑ روپے کے بجٹ سے بنی اس فلم نے اب تک اپنی لاگت نہیں نکال سکی ہے۔ ”سنی سنسکاری کی تلسی کماری“ کی ساتویں دن کی کمائی کی رپورٹ جاری کر دی گئی ہے۔

سیکنلک کی ایک رپورٹ کے مطابق ’سنی سنسکاری کی تلسی کماری‘ نے ریلیز کے ساتویں دن 2.25 کروڑ روپے کمائے۔ اس سے پہلے اس نے چھٹے دن 3.25 کروڑ روپے، پانچویں دن 3.25 کروڑ روپے، چوتھے دن 7.75 کروڑ روپے، تیسرے دن 7.5 کروڑ روپے، دوسرے دن 5.5 کروڑ روپے اور پہلے دن 9.25 کروڑ روپے کمائے تھے۔ اس طرح فلم کا کل باکس آفس کلیکشن 38.75 کروڑ روپے تک پہنچ گیا ہے۔ تاہم ’سنی سنسکاری کی تلسی کماری‘ کا بجٹ 80 کروڑ روپے بتایا جاتا ہے۔ فلم کو اپنے بجٹ کی وصولی کے لیے ابھی مزید محنت کرنا پڑے گی۔

کرن جوہر کے دھرما پروڈکشن کے بینر تلے تیار ہونے والی اس فلم میں سانیا ملہوترا، روہت صراف اور منیش پال کے ساتھ ورون اور جھانوی بھی اہم کردار ادا کر رہے ہیں۔ فلم کی کہانی محبت اور دھوکہ دہی کے گرد گھومتی ہے جس میں کامیڈی کا بھرپور ڈوز ہے۔ فلم کے گانے بھی سامعین کی طرف سے کافی پسند کیے جا رہے ہیں، خاص طور پر کھیساری لال یادو کا گانا”پنواڑی“ اور سونو نگم کی آواز میں ”بجوریا“، جو سوشل میڈیا پر کافی مقبول ہو چکے ہیں۔

ہندوستھان سماچار

ہندوستان سماچار / محمد شہزاد