شروعاتی کاروبار میں شیئر بازار میں تیزی کا رجحان، سینسیکس اور نفٹی میں اضافہ

نئی دہلی، 8 اکتوبر (ہ س)۔ گھریلو شیئر بازار میں آج شروعاتی کاروبار کے دوران تیزی کا رجحان نظر آرہا ہے۔ آج کے کاروبار کی شروعات معمولی کمزوری کے ساتھ ہوئی تھی، لیکن بازار کھلتے ہی خریداری کی حمایت سے سینسیکس اور نفٹی دونوں انڈیکس نے بحالی کرکے سبز نشان میں اپنی جگہ بنالی۔ حالانکہ کاروبار کے پہلے آدھے گھنٹے کے بعد مارکیٹ میں فروخت کا دباو بن گیا، اس کے باوجود سینسیکس اور نفٹی دونوں انڈیکس سبز نشان میں برقرار رہے۔ صبح 10 بجے تک کا کاروبار ہونے کے بعد سینسیکس 0.28 فیصد اور نفٹی 0.22 فیصد کے اضافے کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر مارکیٹ کے بڑے شیئروں میں سے ٹائٹن کمپنی، ٹی سی ایس، ٹیک مہندرا، ٹرینٹ لمیٹڈ، اور ہنڈالکو انڈسٹریز کے شیئر 4.16 فیصد سے لیکر 0.81 فیصد کی مضبوطی کے ساتھ کاروبار کر رہے تھے۔ دوسری طرف سپلا، ٹاٹا موٹرز، ایکسس بینک، ڈاکٹر ریڈی کی لیبارٹریز اور ایس بی آئی لائف انشورنس کے شیئر 0.83 فیصد سے لیکر 0.35 فیصد تک کمزوری کے ساتھ کاروبار کرتے نظر آرہے تھے۔

ابھی تک کے کاروبار میں شیئر مارکیٹ میں 2,107 شیئروں میں ایکٹیو ٹریڈنگ ہورہی تھی۔ ان میں سے 1,183 شیئر منافع کما کر سبز نشان میں، جبکہ 924 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 18 شیئر خریداری کی حمایت سے سبز نشان میں برقرار تھے۔ دوسری طرف 12 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 24 شیئر سبز نشان میں اور 26 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 27.24 پوائنٹس کی گراوٹ کے ساتھ 81,899.51 پر کھلا۔ کاروبار شروع ہوتے ہی خریداروں نے خریداری کا زور بنا دیا، جس سے تھوڑی ہی دیر میں انڈیکس نے سبز نشان میں اپنی جگہ بنا لی۔ مسلسل ہورہی خریداری کی وجہ سے پہلے آدھے گھنٹے کے کاروبار میں ہی انڈیکس 82,257.74 پوائنٹس تک پہنچ گیا۔ حالانکہ اس کے بعد فروخت کا دباو بنتا نظر آیا، جس سے انڈیکس کی حرکت میں معمولی کمی بھی واقع ہوئی۔ بازار میں مسلسل جاری خرید و فروخت کے درمیان سینسیکس صبح 10 بجے 226.58 پوائنٹس کے ساتھ 82,153.33 پر کاروبار کر رہا تھا۔

سینسیکس کی طرح این ایس ای کے نفٹی نے بھی آج 28.55 پوائنٹس کی گراوٹ کے ساتھ کاروبار کی شروعات کی۔ بازار کھلتے ہی خریداری شروع ہونے کی وجہ سے پہلے آدھے گھنٹے کے کاروبار میں ہی یہ انڈیکس چھلانگ لگا کر سبز نشان میں 25,079.75 پر پہنچ گیا۔ حالانکہ اس کے بعد فروخت کا معمولی دباو بھی بنا، جس کی وجہ سے اس انڈیکس کی حرکت میں بھی تھوڑی گراوٹ نظر آئی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 55.15 پوائنٹس کے معمولی اضافے کے ساتھ 25,163.45 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن