نئی دہلی، 8 اکتوبر (ہ س)۔ دنیا بھر کے شیئر بازاروں سے آج ملے -جلے رجحانات نظر آ رہے ہیں۔ گزشتہ سیشن میں امریکی بازار گراوٹ کے ساتھ بند ہوئے۔ تاہم، ڈاو¿ جونز فیوچرز فی الحال آج اضافے کے ساتھ تجارت کرتا ہوا نظر آ رہا ہے۔ یورپی شیئر بازار گزشتہ سیشن میں معمولی اضافے کے ساتھ فلیٹ سطح پر بند ہوئے۔ دریں اثنا، ایشیائی بازاروں میں آج ملا- جلا کاروبار ہو رہا ہے ۔

امریکی مارکیٹ میں مسلسل سات دنوں سے جاری تیزی کا رجحان گزشتہ سیشن کے دوران ٹوٹ گیا، جس کی وجہ سے وال اسٹریٹ کے انڈیکس گراوٹ کے ساتھ بند ہوئے۔ ایس اینڈ پی 500 انڈیکس 0.38 فیصد کی کمی کے ساتھ 6,714.59 پوائنٹس کی سطح پر بند ہوا۔ اسی طرح نیس ڈیک نے 153.30 پوائنٹس یعنی 0.67 فیصد کی کمی کے ساتھ گزشتہ سیشن کا کاروبار 22,788.36 پوائنٹس کی سطح پر ختم کیا۔ جبکہ ڈاو¿ جونز فیوچرز آج 0.12 فیصد اضافے کے ساتھ 46,660.16 پوائنٹس کی سطح پر کاروبار کر رہا ہے۔

گزشتہ سیشن کے دوران دباو میں ٹریڈنگ کے بعد یورپی بازار معمولی اضافے کے ساتھ بند ہوئے۔ ایف ٹی ایس ای انڈیکس 0.05 فیصد اضافے کے ساتھ 9,483.58 پوائنٹس کی سطح پر بند ہوا۔ اسی طرح، سی اے سی انڈیکس 0.04 فیصد کے معمولی اضافے کے ساتھ 7,974.85 پوائنٹس کی سطح پر بند ہوا۔ وہیں، ڈی اے ایکس انڈیکس 0.03 فیصد اضافے کے ساتھ 24,385.78 پوائنٹس کی سطح پر بند ہوا۔

ایشیائی بازاروں میں بھی آج ملا- جلا کاروبار ہوتا ہوا نظر آ رہا ہے ۔ نو ایشیائی بازاروںمیں سے چار کے انڈیکس مضبوطی کے ساتھ سبز نشان میں کاروبار کر رہے ہیں، جبکہ چار کے انڈیکس گراوٹ کے ساتھ سرخ نشان میں کاروبار کر رہے ہیں۔ جنوبی کوریا کے اسٹاک ایکسچینج میں چھٹی کے باعث آج کوسپی انڈیکس میں کوئی تبدیلی نہیں ہوئی۔

اسٹریٹس ٹائمز انڈیکس 0.53 فیصد کی کمزوری کے ساتھ 4,448.73 پوائنٹس کی سطح پرکاروبار کر رہا ہے۔ اسی طرح جکارتہ کمپوزٹ انڈیکس 0.32 فیصد گر کر 8,142.88 پوائنٹس کی سطح پر پہنچ گیا۔ ہینگ سینگ انڈیکس میں آج بڑی کمی دیکھی گئی ہے۔ فی الحال یہ انڈیکس 295.77 پوائنٹس یعنی 1.10 فیصد گر کر 26,662 پوائنٹس کی سطح پر پہنچ گیا ہے۔ اس کے علاوہ تائیوان ویٹڈ انڈیکس 177.85 پوائنٹس یعنی 0.65 فیصد گر کر 27,034.10 کی سطح پر پہنچ گیا ہے۔

دوسری طرف، گفٹ نفٹی 0.19 فیصد کے اضافے کے ساتھ 25,271.50 پوائنٹس کی سطح پرکاروبار کر رہا ہے۔ اسی طرح شنگھائی کمپوزٹ انڈیکس 0.52 فیصد اضافے کے ساتھ 3,882.78 پوائنٹس کی سطح پر پہنچ رہا ہے۔ اس کے علاوہ ایس ای ٹی کمپوزٹ انڈیکس 0.49 فیصد چھلانگ لگا کر 1,311.65 پوائنٹس کی سطح پر آگیا ہے اور نکیئی انڈیکس 0.02 فیصد کے علامتی اضافے کے ساتھ 47,959 پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد