نئی دہلی، 6 اکتوبر (ہ س)۔ عالمی دوا ساز کمپنی ایلی للی اینڈ کمپنی اگلے چند برسوں میں ہندوستان میں ایک ارب ڈالر کی سرمایہ کرنے کا منصوبہ بنا رہی ہے۔ یہ سرمایہ کاری کنٹریکٹ مینوفیکچرنگ کو وسعت دینے کے لئے آئندہ چند برسوں میں ہوگا ، جس سے بھارت میں کمپنی کی سپلائی چین کی صلاحیتوں کو فروغ حاصل ہوگا۔

کمپنی نے پیر کو ایک بیان میں کہا کہ کمپنی ہندوستان میں کنٹریکٹ مینوفیکچرنگ کی نئی سہولیات اور حیدرآباد میں مینوفیکچرنگ اور کوالٹی سینٹر قائم کرنے کے لیے اگلے چند برسوں میں 1 ارب ڈالر سے زیادہ کی سرمایہ کاری کرنے کا ارادہ رکھتی ہے۔ یہ اسٹریٹجک سرمایہ کاری کمپنی کی مینوفیکچرنگ اور سپلائی کی صلاحیتوں کو مزید مضبوط کرے گی، جس سے اس کے بڑھتے ہوئے سیگمنٹ کو مدد حاصل ہو گی۔

ایلی للی انٹرنیشنل کے صدر پیٹرک جونسن نے کہا، ”ہم دنیا بھر میں مینوفیکچرنگ اور فارماسیوٹیکل سپلائی کی صلاحیت کو بڑھانے کے لیے اہم سرمایہ کاری کر رہے ہیں۔“ کمپنی کے مطابق حیدرآباد ہب ملک بھر میں کمپنی کے کنٹریکٹ مینوفیکچرنگ نیٹ ورک کے لیے تکنیکی نگرانی فراہم کرے گا۔نئی سہولیات کے لئے بھرتی کا عمل فوری طور پر شروع ہونے کی امید ہے، جس سے انجینئرنگ، کیمسٹری، تجزیاتی سائنس، کوالٹی کنٹرول اور یقین دہانی اور انتظامی کرداروں میں خالی آسامیاں شامل ہوں گی۔

کمپنی نے ذیابیطس، موٹاپا، الزائمر کی بیماری، کینسر، خود کار قوت مدافعت کے حالات اور دیگر علاج کے لیے ادویات کی مدد کے لیے مینوفیکچرنگ سہولیات کی تعمیر، توسیع اور حصول2020 میں عالمی سطح پر 55 ارب ڈالرسے زیادہ کی سرمایہ کاری کی ہے۔

ہندوستھان سماچار

ہندوستان سماچار / محمد شہزاد