نئی دہلی ، 6 اکتوبر (ہ س )۔

ربر سالیوشنس کی مینو فیکچرنگ ،سپلائی اور ایکسپورٹ کرنے والی کمپنی امینجی ربر کے شیئرز نے آج اسٹاک مارکیٹ میں معمولی اضافہ کے ساتھ کاروبار کی شروعات کی۔ تاہم ، لسٹنگ کے بعد ، کمپنی کے شیئرز خریداری کی حمایت کی وجہ سے مختصر وقت میں اپر سرکٹ کی سطح پر پہنچ گئے۔ کمپنی کے شیئرز100 روپے فی شیئرزکی قیمت پر جاری کیے گئے تھے۔ آج بی ایس ای کے ایس ایم ای پلیٹ فارم پر اس کی لسٹنگ 1% پریمیم کے ساتھ 101 روپے کی سطح پر تھی۔ کمپنی کے شیئرز لسٹنگ کے فورا بعد فروخت ہونے کی وجہ سے گر کر 96.05 روپے پر آگئے ، لیکن کچھ عرصے بعد خریداروں کی خریداری کی وجہ سے کمپنی کے شیئرز 106.05 روپے کی اپر سرکٹ کی سطح پر پہنچ گئے۔ اس طرح ، ٹریڈنگ کے پہلے دن ، کمپنی کے آئی پی او سرمایہ کاروں کو 6.05 فیصد کا منافع ملا۔

امینجی ربر کا 30 کروڑ روپے کا آئی پی او 26 اور 30 ستمبر کے درمیان سبسکرپشن کے لیے کھلا تھا۔ آئی پی او کو سرمایہ کاروں کی جانب سے اوسط ردعمل ملا ، جس کی وجہ سے اسے مجموعی طور پر 2.21 گنا سبسکرائب کیا گیا۔ اہل ادارہ جاتی خریداروں (کیو آئی بی) کے لیے مخصوص حصے کو 3.79 گنا سبسکرائب کیا گیا۔ غیر ادارہ جاتی سرمایہ کاروں (این آئی آئی) کے لیے مخصوص حصے کو 2.74 گنا سبسکرائب کیا گیا۔ اسی طرح خوردہ سرمایہ کاروں کے لیے مخصوص حصے کو 1.08 گنا سبسکرائب کیا گیا۔ اس آئی پی او کے تحت 10 روپے کی فیس ویلیو کے 30 لاکھ نئے حصص جاری کیے گئے ہیں۔ کمپنی آئی پی او کی آمدنی کو اپنی ورکنگ کیپٹل کی ضروریات کو پورا کرنے اور عام کارپوریٹ مقاصد کے لیے استعمال کرے گی۔

ہندوستھان سماچار

ہندوستان سماچار / عطاءاللہ