نئی دہلی، 31 اکتوبر (ہ س)۔دنیا بھر کے شیئر بازاروں سے آج ملے- جلے رجحانات نظر آ رہے ہیں۔ امریکی بازاروںمیں گزشتہ سیشن کے دوران فروخت کا دباو¿ برقرار رہا ،تاہم ڈاو¿ جونز فیوچرز آج اضافے کے ساتھ کاروبار کرتا ہوا نظر آ رہا ہے۔ گزشتہ سیشن کے دوران یورپی بازاروں میں ملا- جلا کاروبار ہوتا رہا۔ اسی طرح ایشیائی بازاروں میں بھی آج ملا- جلا کاروبار ہو رہا ہے۔

ٹیک کمپنیوں کے حصص میں مسلسل فروخت کے باعث امریکی بازار گزشتہ سیشن کے دوران کمزوری کے ساتھ بند ہوئے ۔ ایس اینڈ پی 500 انڈیکس 0.99 فیصد کمی کے ساتھ 6,822.34 پوائنٹس کی سطح پر بند ہوا۔ اسی طرح نیس ڈیک نے 377.33 پوائنٹس یعنی 1.57 فیصد کی گراوٹ کے ساتھ گزشتہ سیشن کا اختتام 23,581.14 پوائنٹس کی سطح پر کیا۔ دوسری طرف، ڈاو¿ جونز فیوچرز آج 0.10 فیصد اضافے کے ساتھ 47,571.72 پوائنٹس پر کاروبار کر رہا ہے۔

یورپی بازار گزشتہ سیشن کے دوران ملے- جلے نتائج کے ساتھ بند ہوئے۔ ایف ٹی ایس ای انڈیکس 0.04 فیصد کے معمولی اضافے کے ساتھ 9,760.06 پوائنٹس پر بند ہوا۔ اس کے برعکس، سی اے سی انڈیکس نے 0.53 فیصد کی کمی کے ساتھ گزشتہ سیشن کا کاروبار8,157.29 پوائنٹس کی سطح پر ختم کیا۔ اسی طرح ڈی اے ایکس انڈیکس 0.02 فیصد کی نمایاں کمی کے ساتھ 24,118.89 پوائنٹس کی سطح پر بند ہوا۔

ایشیائی بازاروں بھی آج ملا- جلا کاروبار ہو رہا ہے۔ نو ایشیائی بازاروں میں سے پانچ کے انڈیکس کمی کے ساتھ سرخ نشان میں کاروبار کر رہے ہیں جبکہ 4 انڈیکس مضبوطی کے ساتھ سبز نشان میں ہیں۔ گفٹ نفٹی 0.27 فیصد کے اضافے کے ساتھ 26,092 پوائنٹس کی سطح پر کاروبار کر رہا ہے۔ اسی طرح تائیوان ویٹڈ انڈیکس میں 0.14 فیصد کا اضافہ ہوا اور 28,327.93 پوائنٹس کی سطح پر پہنچ گیا۔ نکیئی انڈیکس نے آج زبردست چھلانگ لگائی ہے۔ فی الحال یہ انڈیکس 890.39 پوائنٹس یعنی 1.73 فیصد اضافے کے ساتھ 52,216 پوائنٹس کی سطح پر پہنچ گیا ہے۔ اسی طرح کوسپی انڈیکس 0.64 فیصد کی مضبوطی کے ساتھ 4,113.02 پوائنٹس کی سطح پر کاروبار کرتا ہوا نظر آیا۔

دوسری جانب ہینگ سینگ انڈیکس 212.69 پوائنٹس یعنی 0.82 فیصد کی کمزوری کے ساتھ 26,070 پوائنٹس کی سطح پر کاروبار کر رہے ہیں۔ اسی طرح شنگھائی کمپوزٹ انڈیکس 0.63 فیصد کمی کے ساتھ 3,961.62 پوائنٹس کی سطح پر آگیا ہے۔ اس کے علاوہ سیٹ کمپوزٹ انڈیکس 0.46 فیصد گر کر 1308.66 پوائنٹس کی سطح پر، اسٹریٹس ٹائمز انڈیکس 0.28 فیصد گر کر 4,424.89 پوائنٹس کی سطح پر اور جکارتہ کمپوزٹ انڈیکس 0.06 پوائنٹس کی کمی کے بعد 8,179.05 پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد