نئی دہلی، 31 اکتوبر (ہ س)۔ صرف ایک دن کی تیزی کے بعدگھریلو صرافہ بازار میں سونے اور چاندی کی قیمتوں میں آج پھر گراوٹ کا رجحان نظر آ رہا ہے۔ آج کے کاروبارمیں سونا 870 روپے سے لے کر 9400 روپے فی 10 گرام سستا ہو گیا ہے۔ اسی طرح چاندی کی قیمت میں بھی 1200 روپے فی کلو گرام کی کمی واقع ہوئی ہے۔ خیال کیا جا رہا ہے کہ امریکہ اور چین کے درمیان باہمی تجارت کو لے کر کشیدگی میں کمی کے بعد ڈالر میں آئی مضبوطی سے سونے اور چاندی کی قیمتوں میں یہ گراوٹ ہوئی ہے۔

سونے اور چاندی کی قیمتوں میں آئی اس کمی کی وجہ سے آج ملک کے بیشتر صرافہ بازاروں میں 24 کیرٹ سونا 1,21,470 روپے سے لے کر 1,21,620 روپے فی 10 گرام کی سطح پر کاروبار کر رہا ہے۔ اسی طرح 22 کیرٹ سونا آج 1,11,340 روپے سے لے کر 1,11,490 روپے فی 10 گرام کے درمیان فروخت ہو رہا ہے۔ چاندی کی قیمت میں کمزوری کی وجہ سے یہ چمکدار دھات آج دہلی کے صرافہ بازار میں 1,50,900 روپے فی کلو گرام کی سطح پر فروخت ہو رہی ہے۔

دہلی میں آج 24 کیرٹ سونا 1,21,620 روپے فی 10 گرام پر کاروبار کر رہا ہے، جب کہ 22 کیرٹ سونے کی قیمت 1,11,490 روپے فی 10 گرام درج کی گئی ہے۔ وہیں ملک کی مالیاتی راجدھانی ممبئی میں 24 کیرٹ سونا 1,21,470 روپے فی 10 گرام اور 22 کیرٹ سونا 1,11,340 روپے فی 10 گرام میں فروخت ہو رہا ہے۔ اسی طرح احمد آباد میں 24 کیرٹ سونے کی خوردہ قیمت 1,21,520 روپے فی 10 گرام اور 22 کیرٹ سونے کی قیمت 1,11,390 روپے فی 10 گرام درج کی گئی ہے۔

ان بڑے شہروں کے علاوہ، چنئی میں آج 24 کیرٹ سونا 1,21,470 روپے فی 10 گرام اور 22 کیرٹ سونا 1,11,340 روپے فی 10 گرام پر فروخت ہو رہا ہے۔ کولکاتا میں، 24 کیرٹ سونا 1,21,470 روپے فی 10 گرام اور 22 کیرٹ سونا 1,11,340 ر وپے فی 10 گرام پر کاروبار کر رہا ہے۔

لکھنؤ کے صرافہ بازار میں آج 24 کیرٹ سونا 1,21,620 روپے فی 10 گرام اور 22 کیرٹ سونا 1,11,490 روپے فی 10 گرام پر فروخت ہو رہا ہے۔ پٹنہ میں 24 کیرٹ سونے کی قیمت 1,21,520 روپے فی 10 گرام ہے، جب کہ 22 کیرٹ سونا 1,11,390 روپے فی 10 گرام میں فروخت ہو رہا ہے۔ جے پور میں 24 کیرٹ سونا 1,21,620 روپے فی 10 گرام اور 22 کیرٹ سونا 1,11,490 روپے فی 10 گرام میں فروخت ہو رہا ہے۔

ملک بھر کی دیگر ریاستوں کی طرح کرناٹک، تلنگانہ اور اڈیشہ کے صرافہ بازاروں میں بھی آج سونا سستا ہوا ہے ۔ ریاستی دارالحکومتوں بنگلورو، حیدرآباد اور بھونیشور میں 24 کیرٹ سونا 1,21,470 روپے فی 10 گرام پر تجارت کر رہا ہے۔ اسی طرح 22 کیرٹ سونا ان تین شہروں کے صرافہ بازاروں میں 1,11,340 روپے فی 10 گرام پر فروخت ہو رہا ہے۔

ہندوستھان سماچار

ہندوستان سماچار / محمد شہزاد