ایکتا کپور کا مقبول شو کیونکہ ساس بھی کبھی بہو تھی 2 اس وقت ناظرین میں زبردست مقبولیت حاصل کر رہا ہے۔ شو ٹی آر پی چارٹ پر انوپما کے بعد دوسرے نمبر پر ہے۔ ایک طویل وقفے کے بعد اسمرتی ایرانی کی چھوٹے پردے پر واپسی نے ناظرین کو خوش کر دیا ہے۔ تاہم، اب اطلاعات ہیں کہ شو شیڈول سے پہلے آف ائیر ہو سکتا ہے۔

ہیتن تیجوانی نے واضح کیا: شو میں کرن ویرانی کا کردار ادا کرنے والے اداکار ہیتن تیجوانی نے اس خبر پر ردعمل دیا۔ انہوں نے کہا، مجھے نہیں معلوم کہ شو آف ائیر ہو رہا ہے یا نہیں کیونکہ میں باقاعدگی سے شوٹنگ نہیں کر رہا ہوں۔ اگر میں سیٹ پر زیادہ ہوتا تو میرے پاس کچھ اپ ڈیٹ ہو سکتا ہے۔

ہیتن کا مزید کہنا تھا کہ جب ہمیں اس پروجیکٹ کے لیے بلایا گیا تھا تو واضح طور پر کہا گیا تھا کہ یہ پہلے جیسا لمبا شو نہیں ہوگا۔ اسے ایک محدود سیریز کے طور پر بنایا گیا ہے۔ اب مجھے نہیں معلوم کہ چینل یا پروڈکشن ٹیم کیا فیصلہ لیتی ہے۔

کیونکہ ساس بھی کبھی بہو تھی 2 29 جولائی 2025 کو اسٹار پلس پر نشر ہونا شروع ہوئی۔ تقریباً 25 سال بعد اسمرتی ایرانی اور امر اپادھیائے (تلسی اور مہر) کی واپسی نے ناظرین کے لیے یادیں تازہ کر دی ہیں۔ ناظرین اب شو کے مستقبل کے حوالے سے سرکاری تصدیق کے منتظر ہیں۔

---------------

ہندوستان سماچار / عبدالسلام صدیقی