ٹورنٹو (کینیڈا)، 29 اکتوبر (ہ س)۔

ہندوستان کے ابھرتی ہوئی اسکواش اسٹار اناہت سنگھ نے کینیڈین اوپن 2025 میں اپنی شاندار دوڑ جاری رکھی، جس کی وجہ سے بڑا الٹ پھیر ہوا۔ دہلی سے تعلق رکھنے والی 17 سالہ نوجوان نے دفاعی چیمپئن اور عالمی نمبر 7 ٹینے گیلس کو سیدھے گیمز میں شکست دے کر سیمی فائنل تک رسائی حاصل کی۔

موجودہ قومی چمپئن اناہت نے اس سے قبل کوارٹر فائنل میں عالمی نمبر 20 میلیسا الویز (فرانس) کو شکست دی تھی۔ ٹاپ 10 کھلاڑی پر یہ اناہت کی کیریئر کی پہلی فتح تھی۔ انہوں نے یہ میچ 12-10، 11-9، 11-9 سے جیتا۔ اب ان کا سیمی فائنل میں مقابلہ انگلینڈ کی جارجینا کینیڈی سے ہوگا۔ میچ کے بعد اناہت نے اپنی خوشی کا اظہار کرتے ہوئے کہا، میں اس ہفتے اپنی کارکردگی سے بہت خوش ہوں۔ میں نے آج صبح اپنے کوچز سے بات کی، اور انہوں نے کہا کہ اگر میں کل کی طرح کھیلوں تو میں کسی کو بھی ہرا سکتی ہوں۔ اور بالکل ایسا ہی ہوا۔

انہوں نے مزید کہا، اس ٹورنامنٹ سے پہلے، میں نے نہیں سوچا تھا کہ میں اس حد تک پہنچ جاو¿ں گی۔ گزشتہ ہفتے، میں اچھا نہیں کر رہی تھی، لیکن میں نے یو ایس اوپن کے دوران گریگ (گالٹیئر) کے ساتھ چار دن ٹریننگ کی۔ میں جانتی تھی کہ اگر میں محنت اور توجہ مرکوز رکھوں گی تو مجھے ضرور موقع ملے گا- اور آج بالکل ایسا ہی ہوا۔

اناہت نے گزشتہ سیزن (2024-25) میں غیر معمولی کارکردگی کا مظاہرہ کرتے ہوئے دو پی ایس اے ایوارڈز جیتے: ویمنز چیلنجر پلیئر آف دی سیزن اور ویمنز ینگ پلیئر آف دی سیزن (مصر کی امینہ عرفی کے ساتھ شیئر کیا گیا)۔

ہندوستھان سماچار

ہندوستان سماچار / عطاءاللہ