رام اللہ،28اکتوبر(ہ س)۔اسرائیلی حکام نے کہا ہے کہ انہوں نے منگل کی صبح مقبوضہ مغربی کنارے کے شمالی حصے میں ایک کارروائی کے دوران تین فلسطینیوں کو ہلاک کر دیا۔اسرائیلی پولیس نے کہا کہ تینوں افراد کو اس وقت گولی مار دی گئی جب وہ شمالی مغربی کنارے میں مزاحمت کاروں کا گڑھ سمجھے جانے والے قصبے جنین کے قریب ایک غار سے باہر نکلے۔ ایک بیان میں دعویٰ کیا گیا کہ وہ مزاحمت کار تھے جو حملے کی منصوبہ بندی کر رہے تھے لیکن مزید تفصیلات نہیں دی گئیں۔بیان میں کہا گیا کہ غار کو تباہ کرنے کے لیے اسرائیلی فوج نے کچھ ہی دیر بعد فضائی حملہ کیا۔ فوج نے مزید تفصیلات بتائے بغیر علاقے میں فضائی حملے کی تصدیق کی۔اسرائیل نے غزہ جنگ شروع ہونے کے بعد سے مقبوضہ مغربی کنارے میں اپنی فوجی سرگرمیاں تیز کر دیں جن کے بارے میں اس کا دعویٰ ہے کہ یہ علاقے میں موجود مزاحمت کاروں کے خلاف کریک ڈاو¿ن ہیں۔ لیکن فلسطینیوں اور انسانی حقوق کے گروپوں کا خیال ہے کہ ہلاک شدگان میں شامل متعدد شہری مزاحمتی سرگرمیوں میں ملوث نہیں ہیں۔ علاوہ ازیں دسیوں ہزار لوگ اپنے گھروں سے بے گھر ہو چکے ہیں۔

ہندوستھان سماچار

ہندوستان سماچار / Mohammad Khan