بیجنگ، 27 اکتوبر (ہ س)۔اتوار کو بحیرہ جنوبی چین میں امریکی بحریہ کا ایک ہیلی کاپٹر اور ایک لڑاکا طیارہ الگ الگ واقعات میں گر کر تباہ ہو گئے۔ دونوں طیارے معمول کی کارروائیوں کے دوران طیارہ بردار بحری جہاز USS Nimitz سے پرواز کر رہے تھے۔ عملے کے تمام ارکان کو محفوظ بتایا گیا ہے۔

دریں اثناءامریکی صدر ڈونلڈ ٹرمپ نے ان حادثات کی وجہ ’خراب ایندھن‘ کو قرار دیا ہے۔ امریکی بحریہ نے حادثات کی تصدیق کرتے ہوئے کہا ہے کہ تمام اہلکاروں کو بحفاظت نکال لیا گیا ہے۔ میڈیا رپورٹس کے مطابق یو ایس پیسیفک فلیٹ کا حصہ یو ایس ایس نیمٹز کا ایک ایم ایچ-60آر سی ہاک ہیلی کاپٹر مقامی وقت کے مطابق تقریباً 2 بج کر 45 منٹ پر گر کر تباہ ہوا۔ چند منٹ بعد، اسی طیارہ بردار بحری جہاز سے اڑنے والا ایک ایف/اے-18ایف سپر ہارنیٹ لڑاکا طیارہ بھی گر کر تباہ ہو گیا۔ دونوں واقعات معمول کی کارروائیوں کے دوران پیش آئے۔بحریہ نے کہا کہ حادثے کی وجوہات کی تحقیقات جاری ہیں۔ حادثات میں زخمی ہونے والے پانچوں اہلکاروں کی حالت مستحکم بتائی جاتی ہے۔ حادثے کی صحیح جگہ یا وجہ کے بارے میں ابھی تک کوئی معلومات جاری نہیں کی گئی ہیں۔

دریں اثنا، صدر ٹرمپ نے حادثات کو ’غیر معمولی‘ قرار دیا اور’خراب ایندھن‘ کو ممکنہ وجہ قرار دیا۔ دریں اثنا، چین کی وزارت خارجہ نے امریکی طیارہ حادثے پر ردعمل دیتے ہوئے انسانی امداد کی پیشکش کی ہے۔یہ حادثات ایک ایسے وقت میں ہوئے ہیں جب بحیرہ جنوبی چین میں امریکی اور چینی بحری سرگرمیوں پر کشیدگی جاری ہے۔

ہندوستھان سماچار

ہندوستان سماچار / Mohammad Khan