گوہاٹی، 20 اکتوبر (ہ س): دیوالی اور چھٹھ پوجا کے دوران مسافروں کے بہت زیادہ رش کو ایڈجسٹ کرنے کے لئے، شمال مشرقی سرحدی ریلوے (این ایف آر) ستمبر سے دسمبر تک مختلف راستوں پر 48 تہوار خصوصی ٹرینوں کے کل 613 ٹرپس چلا رہی ہے۔

این ایف آر کے سی پی آر او کپینجل کشور شرما نے پیر کو کہا کہ یہ خصوصی ٹرینیں کٹیہار، سون پور، دورم مدھے پورہ، اگرتلہ، نیو تینسوکیا، ایس ایم وی ٹی بنگلورو، امرتسر، پٹنہ، ڈبرو گڑھ، گورکھپور، سلچر، کولکاتا، گوہاٹی، رانچی، چارلاپلی، ممبئی سنٹرل،آگرہ کینٹ،جوگبنی،شالیماراورکامکھیا جیسے اہم مقامات کو جوڑ رہی ہیں۔

یہ ٹرین خدمات آپریشنل فزیبلٹی اور مروجہ مانگ کے لحاظ سے روزانہ، ہفتہ وار، تین ہفتہ وار یا مخصوص ہفتے کے دنوں میں فراہم کی جا رہی ہیں۔ ان خصوصی ٹرینوں کے چلانے سے شمال مشرقی، شمالی بنگال اور بہار جیسے مختلف علاقوں میں جانے اور آنے والے مسافروں کے اضافی رش کو کم کرنے میں مدد ملے گی۔

---------------

ہندوستان سماچار / عبدالسلام صدیقی