نئی دہلی، 20 اکتوبر (ہ س)۔ عالمیبازاروں سے آج ملے- جلے رجحانات نظر آ رہے ہیں۔ امریکی بازار گزشتہ سیشن میں مضبوطی کے ساتھ بند ہونے میں کامیاب رہے۔ ڈاو جونز فیوچرز بھی آج اضافے کے ساتھ تجارت کرتا ہوا نظر آ رہا ہے ۔ یورپی بازاروں میں گزشتہ سیشن کے دوران مسلسل فروخت کا دباو قائم رہا۔ وہیں، ایشیائی بازار آج عام طور پر خریداری کا رخ قائم ہے ۔

گزشتہ سیشن کے دوران امریکی مارکیٹ میں مسلسل جوش و خروش کا ماحول رہا جس کی وجہ سے وال اسٹریٹ انڈیکس میں تقریباً نصف فیصد کا اضافہ ہوا۔ ایس اینڈ پی 500 انڈیکس 0.53 فیصد اضافے کے ساتھ 6,664.01 پوائنٹس کی سطح پر بند ہوا۔ اسی طرح نیس ڈیک نے 133.21 پوائنٹس یعنی 0.59 فیصد اضافے کے ساتھ گزشتہ سیشن کی ٹریڈنگ 22,695.75 پوائنٹس کی سطح پر بند کی۔ ڈاو جونز فیوچرز آج 0.19 فیصد اضافے کے ساتھ 46,279.94 پوائنٹس کی سطح پر تجارت کر رہا ہے۔

امریکی مارکیٹ کے برعکس یورپی بازار گزشتہ سیشن کے دوران دباو¿ کا شکار رہے ۔ ایف ٹی ایس ای انڈیکس 0.87 فیصد کی کمی کے ساتھ 9,354.57 پوائنٹس پر بند ہوا۔ اسی طرح، سی اے سی انڈیکس نے0.18 فیصد گر کر گزشتہ سیشن کا کاروبار8,174.20 پوائنٹس پر ختم کیا۔ اس کے علاوہ ڈی اے ایکس انڈیکس 441.20 پوائنٹس یعنی 1.85 فیصد کی زبردست کمی کے ساتھ 23,830.99 پوائنٹس پر بند ہوا۔

ایشیائی بازاروں میں آج عام طور پر خریداری کا ماحول قائم ہے۔ ایشیاءکے نو بازاروںمیں سے 8 انڈیکس مضبوطی کے ساتھسبزنشان میں ٹریڈ کر رہے ہیں، جبکہ ایک انڈیکس گراوٹ کے ساتھ سرخ نشان میں ٹریڈ کر رہا ہے۔ ایشیائی بازاروں میں واحد اسٹریٹس ٹائمز انڈیکس فی الحال 0.63 فیصد کمی کے ساتھ 4,328.93 پوائنٹس کی سطح پر کاروبار کر رہا ہے۔

دوسری طرف، گفٹ نفٹی 193 پوائنٹس یعنی 0.75 فیصد کے اضافے سے 25,949 پوائنٹس کی سطح پر کاروبار کر رہا ہے۔ اسی طرح شنگھائی کمپوزٹ انڈیکس 0.69 فیصد بڑھ کر 3,866.09 پوائنٹس کی سطح تک پہنچ گیا۔ نکیئی انڈیکس نے آج نمایاں چھلانگ لگائی ہے۔ فی الحال، انڈیکس 1,309.85 پوائنٹس یعنی 2.75 فیصد چھلانگ لگا کر 48,892 پوائنٹس کی سطح پر پہنچ گیا ہے۔

اسی طرح ہینگ سینگ انڈیکس 628.90 پوائنٹس یعنی 2.49 فیصد اضافے کے ساتھ 25,876 پوائنٹس کی سطح پر پہنچ گیا ہے۔ اس کے علاوہ جکارتہ کمپوزٹ انڈیکس 119.13 پوائنٹس یعنی 1.50 فیصد اضافے کے ساتھ 8,034.79 پوائنٹس کی سطح پر ، کوسپی انڈیکس 1.40 فیصد کے اضافے کے ساتھ 3,801.25 پوائنٹس کی سطح پر ، تائیوان ویٹڈ انڈیکس 378.58 پوائنٹس یعنی 1.39 فیصد کی چھلانگ کے ساتھ27,680.95پوائنٹس کی سطح پراور سیٹ کمپوزٹ انڈیکس 1.05 فیصد اضافے کے ساتھ 1,287.94 پوائنٹس کی سطح پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد