کسان خودکشی نہ کریں، ایم ایل اے کو مار ڈالیں: کسانوں کی کانفرنس میں بچو کڈو کا متنازعہ بیان، سیاسی طوفان، شدید تنقید

بلڈھانہ،

20 اکتوبر(ہ س)۔

پرحار جن شکتی پارٹی کے

سربراہ اور سابق وزیر بچو کڈو ایک بار پھر اپنے متنازعہ بیان کی وجہ سے سرخیوں میں

آ گئے ہیں۔ بلڈھانہ میں کسانوں کی ایک کانفرنس کے دوران مبینہ طور پر انہوں نے

کسانوں سے کہا کہ ’’خودکشی کرنے کے بجائے کسی ایم ایل اے کو مار ڈالیں۔‘‘ ان کے اس

غیر ذمہ دارانہ تبصرے نے ریاست میں سیاسی ہلچل پیدا کر دی ہے۔

کڈو نے

حکومت پر سخت تنقید کرتے ہوئے مبینہ طور پر کہا کہ ’’حکومت سور سے بدتر ہے، کیونکہ

سور کو برداشت کیا جا سکتا ہے مگر حکومت کو نہیں۔‘‘ انہوں نے مزید کہا کہ شہری

قانون ساز کسی حد تک قابلِ قبول ہیں کیونکہ وہ خاموشی سے اپنی قسطیں ادا کرتے ہیں،

لیکن دیہی علاقوں کے ایم ایل ایز ناقابل برداشت ہیں کیونکہ وہ کسانوں کے مسائل پر

کوئی توجہ نہیں دیتے۔

انہوں

نے کہا کہ کسانوں کی بدحالی کی بڑی وجہ ان کا طبقاتی اور ذات پات پر بٹا ہوا ہونا

ہے۔ ’’اگر کسانوں کو اپنی محنت کی فصل، خاص طور پر سویابین، کم قیمت پر بیچنی پڑے

تو وہ چوڑیاں پہننے پر مجبور ہو جائیں گے،‘‘ انہوں نے طنزیہ انداز میں کہا۔

کڈو نے

اپنی تقریر میں ڈاکٹر بی آر امبیڈکر اور شرد جوشی کا ذکر کرتے ہوئے کہا کہ امبیڈکر

نے علم کے ذریعے انقلاب لایا، جبکہ شرد جوشی نے کسانوں کے حقوق کے لیے اپنی نوکری

قربان کی۔

قابل

ذکر ہے کہ چند ماہ قبل بچو کڈو نے ناگپور میں کسانوں کے مسائل کے خلاف احتجاجی تحریک

چلائی تھی، جسے بعد میں حکومت سے بات چیت کے بعد واپس لے لیا گیا تھا۔ تاہم، دیوالی

سے قبل انہوں نے دوبارہ ریاست گیر کسان کانفرنس کے ذریعے حکومت کے خلاف اپنی مہم تیز

کر دی ہے

ہندوستھان

سماچار

ہندوستان سماچار / جاوید این اے