چنئی، 19 اکتوبر (ہ س): اداکار سے سیاستداں بنے وجے کی پارٹی، تاملگا ویٹری کزگم (ٹی وی کے) نے کرور بھگدڑ کے 39 متاثرین کے خاندانوں کو 20 لاکھ روپے کی مالی امداد فراہم کی ہے۔ پارٹی نے یہ رقم خاندانوں کے بینک کھاتوں میں منتقل کر دی ہے۔

سوشل میڈیا پر اس بارے میں معلومات دیتے ہوئے ٹی وی کے نے کہا کہ 28 ستمبر کو کیے گئے اعلان کے مطابق، اس نے 18 اکتوبر کو بینک آر ٹی جی ایس کے ذریعے فیملی ویلفیئر فنڈ کے طور پر 20 لاکھ روپے بھیجے ہیں۔ پارٹی نے متاثرہ خاندانوں سے درخواست کی ہے کہ وہ یہ امداد قبول کریں۔ پارٹی کے مطابق، 39 خاندانوں کو 20 لاکھ روپے بھیجے گئے ہیں، جن کی کل رقم 7.8 کروڑ روپے ہے۔

قابل ذکر ہے کہ 27 ستمبر کو کرور میں بھگدڑ میں 39 افراد ہلاک اور 60 سے زیادہ زخمی ہوئے تھے۔ اس واقعے کے بعد ٹی وی کے نے مرنے والوں کے اہل خانہ کو 20 لاکھ روپے اور زخمیوں کے لیے 2 لاکھ روپے کی امدادی رقم کا اعلان کیا تھا۔

---------------

ہندوستان سماچار / عبدالسلام صدیقی