کچھار (آسام)، 18 اکتوبر (ہ س)۔ آسام یونیورسٹی میں آنجہانی گلوکار زوبین گرگ کا مجسمہ نصب کیا جائے گا۔ زیر تعمیر 500 نشستوں پر مشتمل آڈیٹوریم بھی ان کے نام سے منسوب کیا جائے گا۔ یہ فیصلہ یونیورسٹی کی 176ویں ایگزیکٹو کونسل کے اجلاس میں کیا گیا۔ میٹنگ کی صدارت وائس چانسلر پروفیسر راجیو موہن پنت نے کی۔ کونسل نے کہا کہ یہ فیصلہ آسام کے لوگوں کے جذبات اور احترام کے پیش نظر کیا گیا ہے۔

پروفیسر پنت نے کہا کہ ریاستی حکومت کی مالی مدد سے تعمیر ہونے والا آڈیٹوریم زوبین گرگ کو وقف کیا جائے گا۔ ان کا مجسمہ بھی آڈیٹوریم کے سامنے نصب کیا جائے گا۔یونیورسٹی کے رجسٹرار ڈاکٹر پردوش کرن ناتھ نے بتایا کہ ڈبرو گڑھ کیمپس میں بنائے گئے نئے کانفرنس ہال کا نام زوبین گرگ کے نام پر رکھنے کا فیصلہ کیا گیا ہے۔قابل ذکر ہے کہ زوبین گرگ نے اپنا بچپن اور اسکول کے سال وادی بارک کے سری بھومی قصبے میں گزارے۔

ہندوستھان سماچار

ہندوستان سماچار / Mohammad Khan