نئی دہلی، 18 اکتوبر (ہ س)۔ سووچھتا ابھیان کے تحت محکمہ ڈاک نے اب تک ملک بھر میں 47,358 پوسٹل مقامات پر صفائی کی خصوصی مہم چلائی ہے۔ اس دوران 4,952 ڈاک چوپالوں کا اہتمام کیا گیا، 32,249 فائلوں کا جائزہ لیا گیا اور 7,611 فائلوں کو نمٹا دیا گیا۔ محکمہ ڈاک نے اس عرصے کے دوران 57,961 سے زیادہ عوامی شکایات کو بھی حل کیا۔ اس کے تحت ملک بھر میں محکمہ ڈاک نے 13,049 مربع فٹ جگہ خالی کرنے کے علاوہ پرانی فائلوں اور کاغذات کو ہٹا کر اور اسکریپ کی فروخت سے 32 لاکھ 48 ہزار روپے کی آمدنی حاصل کی۔

مرکزی وزارت مواصلات کے مطابق، محکمہ ڈاک نے یہ مہم پورے ملک میں پوسٹل سرکلز، پوسٹل ڈویڑنوں، علاقائی دفاتر، چھانٹی مراکز اور دیہی اور شہری ڈاک خانوں کی سطح پر چلائی۔ اب تک 47,000 سے زیادہ پوسٹ آفس کو صفائی مہم میں شامل کیا گیا ہے جس سے دفتر کے احاطے کو مزید منظم بنایا گیا ہے۔ محکمہ کے افسران نے ڈاک چوپالوں کے ذریعے عوامی شکایات کا ازالہ بھی کیا۔ اب تک 4,952 ڈاک چوپالوں کا اہتمام کیا گیا ہے تاکہ اس بات کو یقینی بنایا جا سکے کہ سرکاری خدمات آخری فرد تک پہنچیں۔ زیر التواء مقدمات کو حل کرتے ہوئے، محکمہ ڈاک نے 32,249 فائلوں کا جائزہ لیا اور 7,611 کو چھانٹ کر نمٹا دیا۔ مزید برآں، 57,961 عوامی شکایات اور اپیلوں کو حل کیا گیا ہے۔ریکارڈ مینجمنٹ، ڈیجیٹائزیشن، اور غیر استعمال شدہ اشیاءکو ہٹانے جیسی کوششوں نے تقریباً 13,049 مربع فٹ جگہ خالی کر دی ہے۔ محکمہ نے اسکریپ کی فروخت سے 3.248 ملین روپے سے زائد کی آمدنی بھی حاصل کی ہے۔ بیوٹیفیکیشن مہم کے ایک حصے کے طور پر ملک بھر میں کئی ڈاکخانوں کی دیواروں کو عوامی آگاہی، صفائی ستھرائی اور ڈاک کے ورثے سے متعلق پینٹنگز سے سجایا گیا ہے۔ہندوستھان سماچار

ہندوستان سماچار / Mohammad Khan