سیتاپور، 17 اکتوبر (ہ س)۔ اتراکھنڈ کے دہرادون سے ایک پرائیویٹ ایمبولینس میں ایک مریض کو لے کر جا رہے لوگ جمعہ کی صبح دہلی-لکھنو¿ قومی شاہراہ پر جاں بحق ہو گئے۔ یہ المناک حادثہ لکھنو¿ سے تقریباً 20 کلومیٹر دور سیتا پور ضلع کے اٹاریہ تھانے میں پیش آیا۔ حادثے کی وجہ ایمبولینس کا ٹائر پھٹنا بتایا جاتا ہے۔ حادثہ اتنا خوفناک تھا کہ سڑک کے کنارے پڑی لاشیں دیکھ کر راہگیر خوفزدہ ہوگئے۔

راہگیروں کی جانب سے اطلاع ملنے پر مقامی پولیس جائے وقوعہ پر پہنچی اور امدادی کارروائیاں شروع کر دیں۔ اس حادثے میں اب تک ایک راہگیر سمیت چار افراد ہلاک ہو چکے ہیں۔ ایک لڑکی کی حالت تشویشناک ہے۔

بتایا جاتا ہے کہ اٹاریہ علاقہ میں ہند اسپتال کے سامنے ایک پل پر ایمبولینس کا ٹائر پھٹ گیا جس سے گاڑی بے قابو ہو کر کھائی میں جاگری۔ حادثے میں ڈرائیور کی بھی موت ہو گئی۔

معلومات کے مطابق اتراکھنڈ کے دہرادوں کے رہنے والے یہ لوگ کسی شخص کیکمر میں چوٹ کی وجہ سے علاج کے لیے وارانسی لے جا رہے تھے۔ حادثے کا شکار ہونے والی گاڑی اتراکھنڈ کی ایک نجی ایمبولینس تھی، جس کا نمبر یوکے 07-پی اے 2020 ہے۔

پرائیویٹ ڈرائیور گرمیت، جس کی عمر تقریباً 23 سال تھی اور ہریدوار کا رہنے والا تھا، کی بھی موقع پر ہی موت ہوگئی۔ مرنے والوں میں دہرادون کے 40 سالہ گوپال سوروپ پانڈے کے بیٹے وشال پانڈے اور تقریباً 44 سالہ دیویانشو پانڈے شامل ہیں۔ ایک نامعلوم خاتون، جس کی عمر تقریباً 45 سال بتائی جاتی ہے، جو ہند اسپتال کے سامنے کھڑی تھی، کی بھی موقع پر ہی موت ہوگئی۔

حادثے میں زخمی ہونے والی ایک لڑکی، جس کی عمر تقریباً 12 سال ہے، ہند اسپتال میں زیر علاج ہے۔ اٹاریہ پولیس نے جائے وقوعہ پر پہنچ کر تفتیشی رپورٹ تیار کر کے لاشوں کو پوسٹ مارٹم کے لیے بھیج دیا۔

پولیس کے مطابق متوفیوں کے بارے میں مکمل معلومات اکٹھی کی جا رہی ہیں تاکہ ان کے اہل خانہ کو آگاہ کیا جا سکے۔ مرنے والوں میں وشال پانڈے ولد گوپال سوروپ پانڈے( عمر 40 سال)، دیویانش پانڈے ولد گوپال سوروپ پانڈے( عمر 44)، ایمبولینس ڈرائیور گرمیت( عمر 23سال)، اور ہریدوار کی ایک 45 سالہ نامعلوم خاتون شامل ہیں۔

ہندوستھان سماچار

ہندوستان سماچار / محمد شہزاد